𑌅𑌯𑌿 𑌗𑌿𑌰𑌿𑌨𑌂𑌦𑌿𑌨𑌿 𑌨𑌂𑌦𑌿𑌤𑌮𑍇𑌦𑌿𑌨𑌿 𑌵𑌿𑌶𑍍𑌵-𑌵𑌿𑌨𑍋𑌦𑌿𑌨𑌿 𑌨𑌂𑌦𑌨𑍁𑌤𑍇
𑌗𑌿𑌰𑌿𑌵𑌰 𑌵𑌿𑌂𑌧𑍍𑌯-𑌶𑌿𑌰𑍋𑌽𑌧𑌿-𑌨𑌿𑌵𑌾𑌸𑌿𑌨𑌿 𑌵𑌿𑌷𑍍𑌣𑍁-𑌵𑌿𑌲𑌾𑌸𑌿𑌨𑌿 𑌜𑌿𑌷𑍍𑌣𑍁𑌨𑍁𑌤𑍇 ।
𑌭𑌗𑌵𑌤𑌿 𑌹𑍇 𑌶𑌿𑌤𑌿𑌕𑌂𑌠-𑌕𑍁𑌟𑍁𑌂𑌬𑌿𑌣𑌿 𑌭𑍂𑌰𑌿𑌕𑍁𑌟𑍁𑌂𑌬𑌿𑌣𑌿 𑌭𑍂𑌰𑌿𑌕𑍃𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 1 ॥
𑌸𑍁𑌰𑌵𑌰-𑌹𑌰𑍍𑌷𑌿𑌣𑌿 𑌦𑍁𑌰𑍍𑌧𑌰-𑌧𑌰𑍍𑌷𑌿𑌣𑌿 𑌦𑍁𑌰𑍍𑌮𑍁𑌖-𑌮𑌰𑍍𑌷𑌿𑌣𑌿 𑌹𑌰𑍍𑌷𑌰𑌤𑍇
𑌤𑍍𑌰𑌿𑌭𑍁𑌵𑌨-𑌪𑍋𑌷𑌿𑌣𑌿 𑌶𑌂𑌕𑌰-𑌤𑍋𑌷𑌿𑌣𑌿 𑌕𑌲𑍍𑌮𑌷-𑌮𑍋𑌷𑌿𑌣𑌿 𑌘𑍋𑌷𑌰𑌤𑍇 ।
𑌦𑌨𑍁𑌜-𑌨𑌿𑌰𑍋𑌷𑌿𑌣𑌿 𑌦𑌿𑌤𑌿𑌸𑍁𑌤-𑌰𑍋𑌷𑌿𑌣𑌿 𑌦𑍁𑌰𑍍𑌮𑌦-𑌶𑍋𑌷𑌿𑌣𑌿 𑌸𑌿𑌂𑌧𑍁𑌸𑍁𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 2 ॥
𑌅𑌯𑌿 𑌜𑌗𑌦𑌂𑌬 𑌮𑌦𑌂𑌬 𑌕𑌦𑌂𑌬𑌵𑌨-𑌪𑍍𑌰𑌿𑌯𑌵𑌾𑌸𑌿𑌨𑌿 𑌹𑌾𑌸𑌰𑌤𑍇
𑌶𑌿𑌖𑌰𑌿-𑌶𑌿𑌰𑍋𑌮𑌣𑌿 𑌤𑍁𑌙-𑌹𑌿𑌮𑌾𑌲𑌯-𑌶𑍃𑌂𑌗𑌨𑌿𑌜𑌾𑌲𑌯-𑌮𑌧𑍍𑌯𑌗𑌤𑍇 ।
𑌮𑌧𑍁𑌮𑌧𑍁𑌰𑍇 𑌮𑌧𑍁-𑌕𑍈𑌤𑌭-𑌗𑌂𑌜𑌿𑌨𑌿 𑌕𑍈𑌤𑌭-𑌭𑌂𑌜𑌿𑌨𑌿 𑌰𑌾𑌸𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 3 ॥
𑌅𑌯𑌿 𑌶𑌤𑌖𑌂𑌡-𑌵𑌿𑌖𑌂𑌡𑌿𑌤-𑌰𑍁𑌂𑌡-𑌵𑌿𑌤𑍁𑌂𑌡𑌿𑌤-𑌶𑍁𑌂𑌡-𑌗𑌜𑌾𑌧𑌿𑌪𑌤𑍇
𑌰𑌿𑌪𑍁-𑌗𑌜-𑌗𑌂𑌡-𑌵𑌿𑌦𑌾𑌰𑌣-𑌚𑌂𑌡𑌪𑌰𑌾𑌕𑍍𑌰𑌮-𑌶𑍌𑌂𑌡-𑌮𑍃𑌗𑌾𑌧𑌿𑌪𑌤𑍇 ।
𑌨𑌿𑌜-𑌭𑍁𑌜𑌦𑌂𑌡-𑌨𑌿𑌪𑌾𑌟𑌿𑌤-𑌚𑌂𑌡-𑌨𑌿𑌪𑌾𑌟𑌿𑌤-𑌮𑍁𑌂𑌡-𑌭𑌟𑌾𑌧𑌿𑌪𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 4 ॥
𑌅𑌯𑌿 𑌰𑌣𑌦𑍁𑌰𑍍𑌮𑌦-𑌶𑌤𑍍𑌰𑍁-𑌵𑌧𑍋𑌦𑌿𑌤-𑌦𑍁𑌰𑍍𑌧𑌰-𑌨𑌿𑌰𑍍𑌜𑌰-𑌶𑌕𑍍𑌤𑌿-𑌭𑍃𑌤𑍇
𑌚𑌤𑍁𑌰-𑌵𑌿𑌚𑌾𑌰-𑌧𑍁𑌰𑍀𑌣-𑌮𑌹𑌾𑌶𑌯-𑌦𑍂𑌤-𑌕𑍃𑌤-𑌪𑍍𑌰𑌮𑌥𑌾𑌧𑌿𑌪𑌤𑍇 ।
𑌦𑍁𑌰𑌿𑌤-𑌦𑍁𑌰𑍀𑌹-𑌦𑍁𑌰𑌾𑌶𑌯-𑌦𑍁𑌰𑍍𑌮𑌤𑌿-𑌦𑌾𑌨𑌵-𑌦𑍂𑌤-𑌕𑍃𑌤𑌾𑌂𑌤𑌮𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 5 ॥
𑌅𑌯𑌿 𑌨𑌿𑌜 𑌹𑍁𑌂𑌕𑍃𑌤𑌿𑌮𑌾𑌤𑍍𑌰-𑌨𑌿𑌰𑌾𑌕𑍃𑌤-𑌧𑍂𑌮𑍍𑌰𑌵𑌿𑌲𑍋𑌚𑌨-𑌧𑍂𑌮𑍍𑌰𑌶𑌤𑍇
𑌸𑌮𑌰-𑌵𑌿𑌶𑍋𑌷𑌿𑌤-𑌶𑍋𑌣𑌿𑌤𑌬𑍀𑌜-𑌸𑌮𑍁𑌦𑍍𑌭𑌵𑌶𑍋𑌣𑌿𑌤-𑌬𑍀𑌜-𑌲𑌤𑍇 ।
𑌶𑌿𑌵-𑌶𑌿𑌵-𑌶𑍁𑌂𑌭𑌨𑌿𑌶𑍁𑌂𑌭-𑌮𑌹𑌾𑌹𑌵-𑌤𑌰𑍍𑌪𑌿𑌤-𑌭𑍂𑌤𑌪𑌿𑌶𑌾𑌚-𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 6 ॥
𑌧𑌨𑍁𑌰𑌨𑍁𑌸𑌂𑌗𑌰𑌣-𑌕𑍍𑌷𑌣-𑌸𑌂𑌗-𑌪𑌰𑌿𑌸𑍍𑌫𑍁𑌰𑌦𑌂𑌗-𑌨𑌟𑌤𑍍𑌕𑌟𑌕𑍇
𑌕𑌨𑌕-𑌪𑌿𑌶𑌂𑌗-𑌪𑍃𑌷𑌤𑍍𑌕-𑌨𑌿𑌷𑌂𑌗-𑌰𑌸𑌦𑍍𑌭𑌟-𑌶𑍃𑌂𑌗-𑌹𑌤𑌾𑌵𑌟𑍁𑌕𑍇 ।
𑌕𑍃𑌤-𑌚𑌤𑍁𑌰𑌂𑌗-𑌬𑌲𑌕𑍍𑌷𑌿𑌤𑌿-𑌰𑌂𑌗-𑌘𑌟𑌦𑍍-𑌬𑌹𑍁𑌰𑌂𑌗-𑌰𑌟𑌦𑍍-𑌬𑌟𑍁𑌕𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ ॥
𑌅𑌯𑌿 𑌶𑌰𑌣𑌾𑌗𑌤-𑌵𑍈𑌰𑌿𑌵𑌧𑍂-𑌵𑌰𑌵𑍀𑌰𑌵𑌰𑌾𑌭𑌯-𑌦𑌾𑌯𑌿𑌕𑌰𑍇
𑌤𑍍𑌰𑌿𑌭𑍁𑌵𑌨𑌮𑌸𑍍𑌤𑌕-𑌶𑍂𑌲-𑌵𑌿𑌰𑍋𑌧𑌿-𑌶𑌿𑌰𑍋𑌧𑌿-𑌕𑍃𑌤𑌾𑌽𑌮𑌲-𑌶𑍂𑌲𑌕𑌰𑍇 ।
𑌦𑍁𑌮𑌿-𑌦𑍁𑌮𑌿-𑌤𑌾𑌮𑌰-𑌦𑍁𑌂𑌦𑍁𑌭𑌿-𑌨𑌾𑌦-𑌮𑌹𑍋-𑌮𑍁𑌖𑌰𑍀𑌕𑍃𑌤-𑌦𑌿𑌙𑍍𑌨𑌿𑌕𑌰𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ ॥
𑌸𑍁𑌰𑌲𑌲𑌨𑌾-𑌤𑌤𑌥𑍇𑌯𑌿-𑌤𑌥𑍇𑌯𑌿-𑌤𑌥𑌾𑌭𑌿𑌨𑌯𑍋𑌦𑌰-𑌨𑍃𑌤𑍍𑌯-𑌰𑌤𑍇
𑌹𑌾𑌸𑌵𑌿𑌲𑌾𑌸-𑌹𑍁𑌲𑌾𑌸-𑌮𑌯𑌿𑌪𑍍𑌰𑌣-𑌤𑌾𑌰𑍍𑌤𑌜𑌨𑍇𑌮𑌿𑌤-𑌪𑍍𑌰𑍇𑌮𑌭𑌰𑍇 ।
𑌧𑌿𑌮𑌿𑌕𑌿𑌟-𑌧𑌿𑌕𑍍𑌕𑌟-𑌧𑌿𑌕𑍍𑌕𑌟-𑌧𑌿𑌮𑌿𑌧𑍍𑌵𑌨𑌿-𑌘𑍋𑌰𑌮𑍃𑌦𑌂𑌗-𑌨𑌿𑌨𑌾𑌦𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ ॥
𑌜𑌯-𑌜𑌯-𑌜𑌪𑍍𑌯-𑌜𑌯𑍇-𑌜𑌯-𑌶𑌬𑍍𑌦-𑌪𑌰𑌸𑍍𑌤𑍁𑌤𑌿-𑌤𑌤𑍍𑌪𑌰-𑌵𑌿𑌶𑍍𑌵𑌨𑍁𑌤𑍇
𑌝𑌣𑌝𑌣-𑌝𑌿𑌂𑌝𑌿𑌮𑌿-𑌝𑌿𑌂𑌕𑍃𑌤-𑌨𑍂𑌪𑍁𑌰-𑌶𑌿𑌂𑌜𑌿𑌤-𑌮𑍋𑌹𑌿𑌤𑌭𑍂𑌤𑌪𑌤𑍇 ।
𑌨𑌟𑌿𑌤-𑌨𑌟𑌾𑌰𑍍𑌧-𑌨𑌟𑍀𑌨𑌟-𑌨𑌾𑌯𑌕-𑌨𑌾𑌟𑌕𑌨𑌾𑌟𑌿𑌤-𑌨𑌾𑌟𑍍𑌯𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 10 ॥
𑌅𑌯𑌿 𑌸𑍁𑌮𑌨𑌃 𑌸𑍁𑌮𑌨𑌃 𑌸𑍁𑌮𑌨𑌃 𑌸𑍁𑌮𑌨𑌃 𑌸𑍁𑌮𑌨𑍋𑌹𑌰 𑌕𑌾𑌂𑌤𑌿𑌯𑍁𑌤𑍇
𑌶𑍍𑌰𑌿𑌤𑌰𑌜𑌨𑍀𑌰𑌜-𑌨𑍀𑌰𑌜-𑌨𑍀𑌰𑌜𑌨𑍀-𑌰𑌜𑌨𑍀𑌕𑌰-𑌵𑌕𑍍𑌤𑍍𑌰𑌵𑍃𑌤𑍇 ।
𑌸𑍁𑌨𑌯𑌨𑌵𑌿𑌭𑍍𑌰𑌮-𑌰𑌭𑍍𑌰-𑌮𑌰-𑌭𑍍𑌰𑌮𑌰-𑌭𑍍𑌰𑌮-𑌰𑌭𑍍𑌰𑌮𑌰𑌾𑌧𑌿𑌪𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 11 ॥
𑌮𑌹𑌿𑌤-𑌮𑌹𑌾𑌹𑌵-𑌮𑌲𑍍𑌲𑌮𑌤𑌲𑍍𑌲𑌿𑌕-𑌮𑌲𑍍𑌲𑌿𑌤-𑌰𑌲𑍍𑌲𑌕-𑌮𑌲𑍍𑌲-𑌰𑌤𑍇
𑌵𑌿𑌰𑌚𑌿𑌤𑌵𑌲𑍍𑌲𑌿𑌕-𑌪𑌲𑍍𑌲𑌿𑌕-𑌮𑌲𑍍𑌲𑌿𑌕-𑌝𑌿𑌲𑍍𑌲𑌿𑌕-𑌭𑌿𑌲𑍍𑌲𑌿𑌕-𑌵𑌰𑍍𑌗𑌵𑍃𑌤𑍇 ।
𑌸𑌿𑌤-𑌕𑍃𑌤𑌫𑍁𑌲𑍍𑌲-𑌸𑌮𑍁𑌲𑍍𑌲𑌸𑌿𑌤𑌾𑌽𑌰𑍁𑌣-𑌤𑌲𑍍𑌲𑌜-𑌪𑌲𑍍𑌲𑌵-𑌸𑌲𑍍𑌲𑌲𑌿𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 12 ॥
𑌅𑌵𑌿𑌰𑌳-𑌗𑌂𑌡𑌗𑌳𑌨𑍍-𑌮𑌦-𑌮𑍇𑌦𑍁𑌰-𑌮𑌤𑍍𑌤-𑌮𑌤𑌂𑌗𑌜𑌰𑌾𑌜-𑌪𑌤𑍇
𑌤𑍍𑌰𑌿𑌭𑍁𑌵𑌨-𑌭𑍂𑌷𑌣𑌭𑍂𑌤-𑌕𑌳𑌾𑌨𑌿𑌧𑌿𑌰𑍂𑌪-𑌪𑌯𑍋𑌨𑌿𑌧𑌿𑌰𑌾𑌜𑌸𑍁𑌤𑍇 ।
𑌅𑌯𑌿 𑌸𑍁𑌦𑌤𑍀𑌜𑌨-𑌲𑌾𑌲𑌸-𑌮𑌾𑌨𑌸-𑌮𑍋𑌹𑌨-𑌮𑌨𑍍𑌮𑌧𑌰𑌾𑌜-𑌸𑍁𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 13 ॥
𑌕𑌮𑌲𑌦𑌳𑌾𑌮𑌲-𑌕𑍋𑌮𑌲-𑌕𑌾𑌂𑌤𑌿-𑌕𑌲𑌾𑌕𑌲𑌿𑌤𑌾𑌽𑌮𑌲-𑌭𑌾𑌲𑌤𑌲𑍇
𑌸𑌕𑌲-𑌵𑌿𑌲𑌾𑌸𑌕𑌳𑌾-𑌨𑌿𑌲𑌯𑌕𑍍𑌰𑌮-𑌕𑍇𑌳𑌿𑌕𑌲𑌤𑍍-𑌕𑌲𑌹𑌂𑌸𑌕𑍁𑌲𑍇 ।
𑌅𑌲𑌿𑌕𑍁𑌲-𑌸𑌂𑌕𑍁𑌲-𑌕𑍁𑌵𑌲𑌯𑌮𑌂𑌡𑌲-𑌮𑍌𑌳𑌿𑌮𑌿𑌲𑌦𑍍-𑌵𑌕𑍁𑌲𑌾𑌲𑌿𑌕𑍁𑌲𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 14 ॥
𑌕𑌰-𑌮𑍁𑌰𑌳𑍀-𑌰𑌵-𑌵𑍀𑌜𑌿𑌤-𑌕𑍂𑌜𑌿𑌤-𑌲𑌜𑍍𑌜𑌿𑌤-𑌕𑍋𑌕𑌿𑌲-𑌮𑌂𑌜𑍁𑌰𑍁𑌤𑍇
𑌮𑌿𑌲𑌿𑌤-𑌮𑌿𑌲𑌿𑌂𑌦-𑌮𑌨𑍋𑌹𑌰-𑌗𑍁𑌂𑌜𑌿𑌤-𑌰𑌂𑌜𑌿𑌤-𑌶𑍈𑌲𑌨𑌿𑌕𑍁𑌂𑌜-𑌗𑌤𑍇 ।
𑌨𑌿𑌜𑌗𑌣𑌭𑍂𑌤-𑌮𑌹𑌾𑌶𑌬𑌰𑍀𑌗𑌣-𑌰𑌂𑌗𑌣-𑌸𑌂𑌭𑍃𑌤-𑌕𑍇𑌳𑌿𑌤𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 15 ॥
𑌕𑌟𑌿𑌤𑌟-𑌪𑍀𑌤-𑌦𑍁𑌕𑍂𑌲-𑌵𑌿𑌚𑌿𑌤𑍍𑌰-𑌮𑌯𑍂𑌖-𑌤𑌿𑌰𑌸𑍍𑌕𑍃𑌤-𑌚𑌂𑌦𑍍𑌰𑌰𑍁𑌚𑍇
𑌪𑍍𑌰𑌣𑌤𑌸𑍁𑌰𑌾𑌸𑍁𑌰-𑌮𑍌𑌳𑌿𑌮𑌣𑌿𑌸𑍍𑌫𑍁𑌰𑌦𑍍-𑌅𑌂𑌶𑍁𑌲𑌸𑌨𑍍-𑌨𑌖𑌸𑌾𑌂𑌦𑍍𑌰𑌰𑍁𑌚𑍇 ।
𑌜𑌿𑌤-𑌕𑌨𑌕𑌾𑌚𑌲𑌮𑍌𑌳𑌿-𑌮𑌦𑍋𑌰𑍍𑌜𑌿𑌤-𑌨𑌿𑌰𑍍𑌜𑌰𑌕𑍁𑌂𑌜𑌰-𑌕𑍁𑌂𑌭-𑌕𑍁𑌚𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 16 ॥
𑌵𑌿𑌜𑌿𑌤-𑌸𑌹𑌸𑍍𑌰𑌕𑌰𑍈𑌕-𑌸𑌹𑌸𑍍𑌰𑌕𑌰𑍈𑌕-𑌸𑌹𑌸𑍍𑌰𑌕𑌰𑍈𑌕𑌨𑍁𑌤𑍇
𑌕𑍃𑌤-𑌸𑍁𑌰𑌤𑌾𑌰𑌕-𑌸𑌂𑌗𑌰-𑌤𑌾𑌰𑌕 𑌸𑌂𑌗𑌰-𑌤𑌾𑌰𑌕𑌸𑍂𑌨𑍁-𑌸𑍁𑌤𑍇 ।
𑌸𑍁𑌰𑌥-𑌸𑌮𑌾𑌧𑌿-𑌸𑌮𑌾𑌨-𑌸𑌮𑌾𑌧𑌿-𑌸𑌮𑌾𑌧𑌿𑌸𑌮𑌾𑌧𑌿-𑌸𑍁𑌜𑌾𑌤-𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 1 ॥
𑌪𑌦𑌕𑌮𑌲𑌂 𑌕𑌰𑍁𑌣𑌾𑌨𑌿𑌲𑌯𑍇 𑌵𑌰𑌿𑌵𑌸𑍍𑌯𑌤𑌿 𑌯𑍋𑌽𑌨𑍁𑌦𑌿𑌨𑌂 𑌨 𑌶𑌿𑌵𑍇
𑌅𑌯𑌿 𑌕𑌮𑌲𑍇 𑌕𑌮𑌲𑌾𑌨𑌿𑌲𑌯𑍇 𑌕𑌮𑌲𑌾𑌨𑌿𑌲𑌯𑌃 𑌸 𑌕𑌥𑌂 𑌨 𑌭𑌵𑍇𑌤𑍍 ।
𑌤𑌵 𑌪𑌦𑌮𑍇𑌵 𑌪𑌰𑌂𑌪𑌦-𑌮𑌿𑌤𑍍𑌯𑌨𑍁𑌶𑍀𑌲𑌯𑌤𑍋 𑌮𑌮 𑌕𑌿𑌂 𑌨 𑌶𑌿𑌵𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 1 ॥
𑌕𑌨𑌕𑌲𑌸𑌤𑍍𑌕𑌲-𑌸𑌿𑌂𑌧𑍁𑌜𑌲𑍈𑌰𑌨𑍁𑌷𑌿𑌂𑌜𑌤𑌿 𑌤𑍇 𑌗𑍁𑌣𑌰𑌂𑌗𑌭𑍁𑌵𑌂
𑌭𑌜𑌤𑌿 𑌸 𑌕𑌿𑌂 𑌨𑍁 𑌶𑌚𑍀𑌕𑍁𑌚𑌕𑍁𑌂𑌭𑌤-𑌤𑌟𑍀𑌪𑌰𑌿-𑌰𑌂𑌭-𑌸𑍁𑌖𑌾𑌨𑍁𑌭𑌵𑌂 ।
𑌤𑌵 𑌚𑌰𑌣𑌂 𑌶𑌰𑌣𑌂 𑌕𑌰𑌵𑌾𑌣𑌿 𑌨𑌤𑌾𑌮𑌰𑌵𑌾𑌣𑌿 𑌨𑌿𑌵𑌾𑌶𑌿 𑌶𑌿𑌵𑌂
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 1 ॥
𑌤𑌵 𑌵𑌿𑌮𑌲𑍇𑌽𑌂𑌦𑍁𑌕𑌲𑌂 𑌵𑌦𑌨𑍇𑌂𑌦𑍁𑌮𑌲𑌂 𑌸𑌕𑌲𑌂 𑌨𑌨𑍁 𑌕𑍂𑌲𑌯𑌤𑍇
𑌕𑌿𑌮𑍁 𑌪𑍁𑌰𑍁𑌹𑍂𑌤-𑌪𑍁𑌰𑍀𑌂𑌦𑍁𑌮𑍁𑌖𑍀-𑌸𑍁𑌮𑍁𑌖𑍀𑌭𑌿𑌰𑌸𑍌-𑌵𑌿𑌮𑍁𑌖𑍀-𑌕𑍍𑌰𑌿𑌯𑌤𑍇 ।
𑌮𑌮 𑌤𑍁 𑌮𑌤𑌂 𑌶𑌿𑌵𑌨𑌾𑌮-𑌧𑌨𑍇 𑌭𑌵𑌤𑍀-𑌕𑍃𑌪𑌯𑌾 𑌕𑌿𑌮𑍁𑌤 𑌕𑍍𑌰𑌿𑌯𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 20 ॥
𑌅𑌯𑌿 𑌮𑌯𑌿 𑌦𑍀𑌨𑌦𑌯𑌾𑌳𑍁𑌤𑌯𑌾 𑌕𑌰𑍁𑌣𑌾𑌪𑌰𑌯𑌾 𑌭𑌵𑌿𑌤𑌵𑍍𑌯𑌮𑍁𑌮𑍇
𑌅𑌯𑌿 𑌜𑌗𑌤𑍋 𑌜𑌨𑌨𑍀 𑌕𑍃𑌪𑌯𑌾𑌸𑌿 𑌯𑌥𑌾𑌸𑌿 𑌤𑌥𑌾𑌨𑍁𑌮𑌿𑌤𑌾𑌸𑌿 𑌰𑌮𑍇 ।
𑌯𑌦𑍁𑌚𑌿𑌤𑌮𑌤𑍍𑌰 𑌭𑌵𑌤𑍍𑌯𑍁𑌰𑌰𑍀 𑌕𑍁𑌰𑍁𑌤𑌾-𑌦𑍁𑌰𑍁𑌤𑌾𑌪𑌮𑌪𑌾-𑌕𑍁𑌰𑍁𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰-𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 21 ॥
Browse Related Categories:
