Sree Annapurna Stotram - Grantha

𑌨𑌿𑌤𑍍𑌯𑌾𑌨𑌂𑌦𑌕𑌰𑍀 𑌵𑌰𑌾𑌭𑌯𑌕𑌰𑍀 𑌸𑍌𑌂𑌦𑌰𑍍𑌯 𑌰𑌤𑍍𑌨𑌾𑌕𑌰𑍀
𑌨𑌿𑌰𑍍𑌧𑍂𑌤𑌾𑌖𑌿𑌲 𑌘𑍋𑌰 𑌪𑌾𑌵𑌨𑌕𑌰𑍀 𑌪𑍍𑌰𑌤𑍍𑌯𑌕𑍍𑌷 𑌮𑌾𑌹𑍇𑌶𑍍𑌵𑌰𑍀 ।
𑌪𑍍𑌰𑌾𑌲𑍇𑌯𑌾𑌚𑌲 𑌵𑌂𑌶 𑌪𑌾𑌵𑌨𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 1 ॥

𑌨𑌾𑌨𑌾 𑌰𑌤𑍍𑌨 𑌵𑌿𑌚𑌿𑌤𑍍𑌰 𑌭𑍂𑌷𑌣𑌕𑌰𑌿 𑌹𑍇𑌮𑌾𑌂𑌬𑌰𑌾𑌡𑌂𑌬𑌰𑍀
𑌮𑍁𑌕𑍍𑌤𑌾𑌹𑌾𑌰 𑌵𑌿𑌲𑌂𑌬𑌮𑌾𑌨 𑌵𑌿𑌲𑌸𑌤𑍍-𑌵𑌕𑍍𑌷𑍋𑌜 𑌕𑍁𑌂𑌭𑌾𑌂𑌤𑌰𑍀 ।
𑌕𑌾𑌶𑍍𑌮𑍀𑌰𑌾𑌗𑌰𑍁 𑌵𑌾𑌸𑌿𑌤𑌾 𑌰𑍁𑌚𑌿𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 2 ॥

𑌯𑍋𑌗𑌾𑌨𑌂𑌦𑌕𑌰𑍀 𑌰𑌿𑌪𑍁𑌕𑍍𑌷𑌯𑌕𑌰𑍀 𑌧𑌰𑍍𑌮𑍈𑌕𑍍𑌯 𑌨𑌿𑌷𑍍𑌠𑌾𑌕𑌰𑍀
𑌚𑌂𑌦𑍍𑌰𑌾𑌰𑍍𑌕𑌾𑌨𑌲 𑌭𑌾𑌸𑌮𑌾𑌨 𑌲𑌹𑌰𑍀 𑌤𑍍𑌰𑍈𑌲𑍋𑌕𑍍𑌯 𑌰𑌕𑍍𑌷𑌾𑌕𑌰𑍀 ।
𑌸𑌰𑍍𑌵𑍈𑌶𑍍𑌵𑌰𑍍𑌯𑌕𑌰𑍀 𑌤𑌪𑌃 𑌫𑌲𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 3 ॥

𑌕𑍈𑌲𑌾𑌸𑌾𑌚𑌲 𑌕𑌂𑌦𑌰𑌾𑌲𑌯𑌕𑌰𑍀 𑌗𑍌𑌰𑍀-𑌹𑍍𑌯𑍁𑌮𑌾𑌶𑌾𑌂𑌕𑌰𑍀
𑌕𑍌𑌮𑌾𑌰𑍀 𑌨𑌿𑌗𑌮𑌾𑌰𑍍𑌥-𑌗𑍋𑌚𑌰𑌕𑌰𑍀-𑌹𑍍𑌯𑍋𑌂𑌕𑌾𑌰-𑌬𑍀𑌜𑌾𑌕𑍍𑌷𑌰𑍀 ।
𑌮𑍋𑌕𑍍𑌷𑌦𑍍𑌵𑌾𑌰-𑌕𑌵𑌾𑌟𑌪𑌾𑌟𑌨𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 4 ॥

𑌦𑍃𑌶𑍍𑌯𑌾𑌦𑍃𑌶𑍍𑌯-𑌵𑌿𑌭𑍂𑌤𑌿-𑌵𑌾𑌹𑌨𑌕𑌰𑍀 𑌬𑍍𑌰𑌹𑍍𑌮𑌾𑌂𑌡-𑌭𑌾𑌂𑌡𑍋𑌦𑌰𑍀
𑌲𑍀𑌲𑌾-𑌨𑌾𑌟𑌕-𑌸𑍂𑌤𑍍𑌰-𑌖𑍇𑌲𑌨𑌕𑌰𑍀 𑌵𑌿𑌜𑍍𑌞𑌾𑌨-𑌦𑍀𑌪𑌾𑌂𑌕𑍁𑌰𑍀 ।
𑌶𑍍𑌰𑍀𑌵𑌿𑌶𑍍𑌵𑍇𑌶𑌮𑌨𑌃-𑌪𑍍𑌰𑌸𑌾𑌦𑌨𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 5 ॥

𑌉𑌰𑍍𑌵𑍀𑌸𑌰𑍍𑌵𑌜𑌯𑍇𑌶𑍍𑌵𑌰𑍀 𑌜𑌯𑌕𑌰𑍀 𑌮𑌾𑌤𑌾 𑌕𑍃𑌪𑌾𑌸𑌾𑌗𑌰𑍀
𑌵𑍇𑌣𑍀-𑌨𑍀𑌲𑌸𑌮𑌾𑌨-𑌕𑍁𑌂𑌤𑌲𑌧𑌰𑍀 𑌨𑌿𑌤𑍍𑌯𑌾𑌨𑍍𑌨-𑌦𑌾𑌨𑍇𑌶𑍍𑌵𑌰𑍀 ।
𑌸𑌾𑌕𑍍𑌷𑌾𑌨𑍍𑌮𑍋𑌕𑍍𑌷𑌕𑌰𑍀 𑌸𑌦𑌾 𑌶𑍁𑌭𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 6 ॥

𑌆𑌦𑌿𑌕𑍍𑌷𑌾𑌂𑌤-𑌸𑌮𑌸𑍍𑌤𑌵𑌰𑍍𑌣𑌨𑌕𑌰𑍀 𑌶𑌂𑌭𑍋𑌸𑍍𑌤𑍍𑌰𑌿𑌭𑌾𑌵𑌾𑌕𑌰𑍀
𑌕𑌾𑌶𑍍𑌮𑍀𑌰𑌾 𑌤𑍍𑌰𑌿𑌪𑍁𑌰𑍇𑌶𑍍𑌵𑌰𑍀 𑌤𑍍𑌰𑌿𑌨𑌯𑌨𑌿 𑌵𑌿𑌶𑍍𑌵𑍇𑌶𑍍𑌵𑌰𑍀 𑌶𑌰𑍍𑌵𑌰𑍀 ।
𑌸𑍍𑌵𑌰𑍍𑌗𑌦𑍍𑌵𑌾𑌰-𑌕𑌪𑌾𑌟-𑌪𑌾𑌟𑌨𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 𑍭 ॥

𑌦𑍇𑌵𑍀 𑌸𑌰𑍍𑌵𑌵𑌿𑌚𑌿𑌤𑍍𑌰-𑌰𑌤𑍍𑌨𑌰𑍁𑌚𑌿𑌤𑌾 𑌦𑌾𑌕𑍍𑌷𑌾𑌯𑌿𑌣𑍀 𑌸𑍁𑌂𑌦𑌰𑍀
𑌵𑌾𑌮𑌾-𑌸𑍍𑌵𑌾𑌦𑍁𑌪𑌯𑍋𑌧𑌰𑌾 𑌪𑍍𑌰𑌿𑌯𑌕𑌰𑍀 𑌸𑍌𑌭𑌾𑌗𑍍𑌯𑌮𑌾𑌹𑍇𑌶𑍍𑌵𑌰𑍀 ।
𑌭𑌕𑍍𑌤𑌾𑌭𑍀𑌷𑍍𑌟𑌕𑌰𑍀 𑌸𑌦𑌾 𑌶𑍁𑌭𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 𑍮 ॥

𑌚𑌂𑌦𑍍𑌰𑌾𑌰𑍍𑌕𑌾𑌨𑌲-𑌕𑍋𑌟𑌿𑌕𑍋𑌟𑌿-𑌸𑌦𑍃𑌶𑍀 𑌚𑌂𑌦𑍍𑌰𑌾𑌂𑌶𑍁-𑌬𑌿𑌂𑌬𑌾𑌧𑌰𑍀
𑌚𑌂𑌦𑍍𑌰𑌾𑌰𑍍𑌕𑌾𑌗𑍍𑌨𑌿-𑌸𑌮𑌾𑌨-𑌕𑍁𑌂𑌡𑌲-𑌧𑌰𑍀 𑌚𑌂𑌦𑍍𑌰𑌾𑌰𑍍𑌕-𑌵𑌰𑍍𑌣𑍇𑌶𑍍𑌵𑌰𑍀
𑌮𑌾𑌲𑌾-𑌪𑍁𑌸𑍍𑌤𑌕-𑌪𑌾𑌶𑌸𑌾𑌂𑌕𑍁𑌶𑌧𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 𑍯 ॥

𑌕𑍍𑌷𑌤𑍍𑌰𑌤𑍍𑌰𑌾𑌣𑌕𑌰𑍀 𑌮𑌹𑌾𑌭𑌯𑌕𑌰𑍀 𑌮𑌾𑌤𑌾 𑌕𑍃𑌪𑌾𑌸𑌾𑌗𑌰𑍀
𑌸𑌰𑍍𑌵𑌾𑌨𑌂𑌦𑌕𑌰𑍀 𑌸𑌦𑌾 𑌶𑌿𑌵𑌕𑌰𑍀 𑌵𑌿𑌶𑍍𑌵𑍇𑌶𑍍𑌵𑌰𑍀 𑌶𑍍𑌰𑍀𑌧𑌰𑍀 ।
𑌦𑌕𑍍𑌷𑌾𑌕𑍍𑌰𑌂𑌦𑌕𑌰𑍀 𑌨𑌿𑌰𑌾𑌮𑌯𑌕𑌰𑍀 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌭𑌿𑌕𑍍𑌷𑌾𑌂 𑌦𑍇𑌹𑌿 𑌕𑍃𑌪𑌾𑌵𑌲𑌂𑌬𑌨𑌕𑌰𑍀 𑌮𑌾𑌤𑌾𑌨𑍍𑌨𑌪𑍂𑌰𑍍𑌣𑍇𑌶𑍍𑌵𑌰𑍀 ॥ 10 ॥

𑌅𑌨𑍍𑌨𑌪𑍂𑌰𑍍𑌣𑍇 𑌸𑌾𑌦𑌾𑌪𑍂𑌰𑍍𑌣𑍇 𑌶𑌂𑌕𑌰-𑌪𑍍𑌰𑌾𑌣𑌵𑌲𑍍𑌲𑌭𑍇 ।
𑌜𑍍𑌞𑌾𑌨-𑌵𑍈𑌰𑌾𑌗𑍍𑌯-𑌸𑌿𑌦𑍍𑌧𑌯𑌰𑍍𑌥𑌂 𑌬𑌿𑌕𑍍𑌬𑌿𑌂 𑌦𑍇𑌹𑌿 𑌚 𑌪𑌾𑌰𑍍𑌵𑌤𑍀 ॥ 11 ॥

𑌮𑌾𑌤𑌾 𑌚 𑌪𑌾𑌰𑍍𑌵𑌤𑍀𑌦𑍇𑌵𑍀 𑌪𑌿𑌤𑌾𑌦𑍇𑌵𑍋 𑌮𑌹𑍇𑌶𑍍𑌵𑌰𑌃 ।
𑌬𑌾𑌂𑌧𑌵𑌾: 𑌶𑌿𑌵𑌭𑌕𑍍𑌤𑌾𑌶𑍍𑌚 𑌸𑍍𑌵𑌦𑍇𑌶𑍋 𑌭𑍁𑌵𑌨𑌤𑍍𑌰𑌯𑌮𑍍 ॥ 12 ॥

𑌸𑌰𑍍𑌵-𑌮𑌂𑌗𑌲-𑌮𑌾𑌂𑌗𑌲𑍍𑌯𑍇 𑌶𑌿𑌵𑍇 𑌸𑌰𑍍𑌵𑌾𑌰𑍍𑌥-𑌸𑌾𑌧𑌿𑌕𑍇 ।
𑌶𑌰𑌣𑍍𑌯𑍇 𑌤𑍍𑌰𑍍𑌯𑌂𑌬𑌕𑍇 𑌗𑍌𑌰𑌿 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 13 ॥

Browse Related Categories: