| | English | | Devanagari | | Telugu | | Tamil | | Kannada | | Malayalam | | Gujarati | | Oriya | | Bengali | | |
| | Marathi | | Assamese | | Punjabi | | Hindi | | Samskritam | | Konkani | | Nepali | | Sinhala | | Grantha | | |
|
𑌶𑌿𑌵 𑌕𑌵𑌚𑌮𑍍 𑌅𑌸𑍍𑌯 𑌶𑍍𑌰𑍀 𑌶𑌿𑌵𑌕𑌵𑌚 𑌸𑍍𑌤𑍋𑌤𑍍𑌰\f1 \f0 𑌮𑌹𑌾𑌮𑌂𑌤𑍍𑌰𑌸𑍍𑌯 𑌋𑌷𑌭𑌯𑍋𑌗𑍀𑌶𑍍𑌵𑌰 𑌋𑌷𑌿𑌃 । 𑌕𑌰𑌨𑍍𑌯𑌾𑌸𑌃 𑌶𑌿𑌂 𑌶𑍂𑌲𑌪𑌾𑌣𑌯𑍇 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 । 𑌵𑌾𑌂 𑌪𑌿𑌨𑌾𑌕𑌪𑌾𑌣𑌯𑍇 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 । 𑌯𑌂 𑌉𑌮𑌾𑌪𑌤𑌯𑍇 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 । 𑌹𑍃𑌦𑌯𑌾𑌦𑌿 𑌅𑌂𑌗𑌨𑍍𑌯𑌾𑌸𑌃 𑌶𑌿𑌂 𑌶𑍂𑌲𑌪𑌾𑌣𑌯𑍇 𑌕𑌵𑌚𑌾𑌯 𑌹𑍁𑌂 । 𑌵𑌾𑌂 𑌪𑌿𑌨𑌾𑌕𑌪𑌾𑌣𑌯𑍇 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 । 𑌯𑌂 𑌉𑌮𑌾𑌪𑌤𑌯𑍇 𑌅𑌸𑍍𑌤𑍍𑌰𑌾𑌯 𑌫𑌟𑍍 । 𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌬𑌂𑌧𑌃 ॥ 𑌧𑍍𑌯𑌾𑌨𑌮𑍍 𑌅𑌤𑌃 𑌪𑌰𑌂 𑌸𑌰𑍍𑌵𑌪𑍁𑌰𑌾𑌣𑌗𑍁𑌹𑍍𑌯𑌂 𑌨𑌿𑌃𑌶𑍇𑌷𑌪𑌾𑌪𑍌𑌘𑌹𑌰𑌂 𑌪𑌵𑌿𑌤𑍍𑌰𑌮𑍍 । 𑌪𑌂𑌚𑌪𑍂𑌜𑌾 𑌮𑌂𑌤𑍍𑌰𑌃 𑌋𑌷𑌭 𑌉𑌵𑌾𑌚 𑌨𑌮𑌸𑍍𑌕𑍃𑌤𑍍𑌯 𑌮𑌹𑌾𑌦𑍇𑌵𑌂 𑌵𑌿𑌶𑍍𑌵𑌵𑍍𑌯𑌾𑌪𑌿𑌨𑌮𑍀𑌶𑍍𑌵𑌰𑌮𑍍 । 𑌶𑍁𑌚𑍌 𑌦𑍇𑌶𑍇 𑌸𑌮𑌾𑌸𑍀𑌨𑍋 𑌯𑌥𑌾𑌵𑌤𑍍𑌕𑌲𑍍𑌪𑌿𑌤𑌾𑌸𑌨𑌃 । 𑌹𑍃𑌤𑍍𑌪𑍁𑌂𑌡𑌰𑍀𑌕𑌾𑌂𑌤𑌰𑌸𑌨𑍍𑌨𑌿𑌵𑌿𑌷𑍍𑌟𑌂 𑌸𑍍𑌵𑌤𑍇𑌜𑌸𑌾 𑌵𑍍𑌯𑌾𑌪𑍍𑌤𑌨𑌭𑍋𑌽𑌵𑌕𑌾𑌶𑌮𑍍 । 𑌧𑍍𑌯𑌾𑌨𑌾𑌵𑌧𑍂𑌤𑌾𑌖𑌿𑌲𑌕𑌰𑍍𑌮𑌬𑌂𑌧- 𑌶𑍍𑌚𑌿𑌰𑌂 𑌚𑌿𑌦𑌾𑌨𑌂𑌦 𑌨𑌿𑌮𑌗𑍍𑌨𑌚𑍇𑌤𑌾𑌃 । 𑌮𑌾𑌂 𑌪𑌾𑌤𑍁 𑌦𑍇𑌵𑍋𑌽𑌖𑌿𑌲𑌦𑍇𑌵𑌤𑌾𑌤𑍍𑌮𑌾 𑌸𑌂𑌸𑌾𑌰𑌕𑍂𑌪𑍇 𑌪𑌤𑌿𑌤𑌂 𑌗𑌭𑍀𑌰𑍇 । 𑌸𑌰𑍍𑌵𑌤𑍍𑌰 𑌮𑌾𑌂 𑌰𑌕𑍍𑌷𑌤𑍁 𑌵𑌿𑌶𑍍𑌵𑌮𑍂𑌰𑍍𑌤𑌿- 𑌰𑍍𑌜𑍍𑌯𑍋𑌤𑌿𑌰𑍍𑌮𑌯𑌾𑌨𑌂𑌦𑌘𑌨𑌶𑍍𑌚𑌿𑌦𑌾𑌤𑍍𑌮𑌾 । 𑌯𑍋 𑌭𑍂𑌸𑍍𑌵𑌰𑍂𑌪𑍇𑌣 𑌬𑌿𑌭𑌰𑍍𑌤𑌿 𑌵𑌿𑌶𑍍𑌵𑌂 𑌪𑌾𑌯𑌾𑌤𑍍𑌸 𑌭𑍂𑌮𑍇𑌰𑍍𑌗𑌿𑌰𑌿𑌶𑍋𑌽𑌷𑍍𑌟𑌮𑍂𑌰𑍍𑌤𑌿𑌃 । 𑌕𑌲𑍍𑌪𑌾𑌵𑌸𑌾𑌨𑍇 𑌭𑍁𑌵𑌨𑌾𑌨𑌿 𑌦𑌗𑍍𑌧𑍍𑌵𑌾 𑌸𑌰𑍍𑌵𑌾𑌣𑌿 𑌯𑍋 𑌨𑍃𑌤𑍍𑌯𑌤𑌿 𑌭𑍂𑌰𑌿𑌲𑍀𑌲𑌃 । 𑌪𑍍𑌰𑌦𑍀𑌪𑍍𑌤𑌵𑌿𑌦𑍍𑌯𑍁𑌤𑍍𑌕𑌨𑌕𑌾𑌵𑌭𑌾𑌸𑍋 𑌵𑌿𑌦𑍍𑌯𑌾𑌵𑌰𑌾𑌭𑍀𑌤𑌿 𑌕𑍁𑌠𑌾𑌰𑌪𑌾𑌣𑌿𑌃 । 𑌕𑍁𑌠𑌾𑌰𑌖𑍇𑌟𑌾𑌂𑌕𑍁𑌶 𑌶𑍂𑌲𑌢𑌕𑍍𑌕𑌾- 𑌕𑌪𑌾𑌲𑌪𑌾𑌶𑌾𑌕𑍍𑌷 𑌗𑍁𑌣𑌾𑌂𑌦𑌧𑌾𑌨𑌃 । 𑌕𑍁𑌂𑌦𑍇𑌂𑌦𑍁𑌶𑌂𑌖𑌸𑍍𑌫𑌟𑌿𑌕𑌾𑌵𑌭𑌾𑌸𑍋 𑌵𑍇𑌦𑌾𑌕𑍍𑌷𑌮𑌾𑌲𑌾 𑌵𑌰𑌦𑌾𑌭𑌯𑌾𑌂𑌕𑌃 । 𑌵𑌰𑌾𑌕𑍍𑌷𑌮𑌾𑌲𑌾𑌭𑌯𑌟𑌂𑌕𑌹𑌸𑍍𑌤𑌃 𑌸𑌰𑍋𑌜𑌕𑌿𑌂𑌜𑌲𑍍𑌕𑌸𑌮𑌾𑌨𑌵𑌰𑍍𑌣𑌃 । 𑌵𑍇𑌦𑌾𑌭𑌯𑍇𑌷𑍍𑌟𑌾𑌂𑌕𑍁𑌶𑌟𑌂𑌕𑌪𑌾𑌶- 𑌕𑌪𑌾𑌲𑌢𑌕𑍍𑌕𑌾𑌕𑍍𑌷𑌰𑌶𑍂𑌲𑌪𑌾𑌣𑌿𑌃 । 𑌮𑍂𑌰𑍍𑌧𑌾𑌨𑌮𑌵𑍍𑌯𑌾𑌨𑍍𑌮𑌮 𑌚𑌂𑌦𑍍𑌰𑌮𑍌𑌲𑌿𑌃 𑌭𑌾𑌲𑌂 𑌮𑌮𑌾𑌵𑍍𑌯𑌾𑌦𑌥 𑌭𑌾𑌲𑌨𑍇𑌤𑍍𑌰𑌃 । 𑌪𑌾𑌯𑌾𑌚𑍍𑌛𑍍𑌰𑍁𑌤𑍀 𑌮𑍇 𑌶𑍍𑌰𑍁𑌤𑌿𑌗𑍀𑌤𑌕𑍀𑌰𑍍𑌤𑌿𑌃 𑌕𑌪𑍋𑌲𑌮𑌵𑍍𑌯𑌾𑌤𑍍𑌸𑌤𑌤𑌂 𑌕𑌪𑌾𑌲𑍀 । 𑌕𑌂𑌠𑌂 𑌗𑌿𑌰𑍀𑌶𑍋𑌽𑌵𑌤𑍁 𑌨𑍀𑌲𑌕𑌂𑌠𑌃 𑌪𑌾𑌣𑌿𑌦𑍍𑌵𑌯𑌂 𑌪𑌾𑌤𑍁 𑌪𑌿𑌨𑌾𑌕𑌪𑌾𑌣𑌿𑌃 । 𑌮𑌮𑍋𑌦𑌰𑌂 𑌪𑌾𑌤𑍁 𑌗𑌿𑌰𑍀𑌂𑌦𑍍𑌰𑌧𑌨𑍍𑌵𑌾 𑌮𑌧𑍍𑌯𑌂 𑌮𑌮𑌾𑌵𑍍𑌯𑌾𑌨𑍍𑌮𑌦𑌨𑌾𑌂𑌤𑌕𑌾𑌰𑍀 । 𑌊𑌰𑍁𑌦𑍍𑌵𑌯𑌂 𑌪𑌾𑌤𑍁 𑌕𑍁𑌬𑍇𑌰𑌮𑌿𑌤𑍍𑌰𑍋 𑌜𑌾𑌨𑍁𑌦𑍍𑌵𑌯𑌂 𑌮𑍇 𑌜𑌗𑌦𑍀𑌶𑍍𑌵𑌰𑍋𑌽𑌵𑍍𑌯𑌾𑌤𑍍 । 𑌮𑌹𑍇𑌶𑍍𑌵𑌰𑌃 𑌪𑌾𑌤𑍁 𑌦𑌿𑌨𑌾𑌦𑌿𑌯𑌾𑌮𑍇 𑌮𑌾𑌂 𑌮𑌧𑍍𑌯𑌯𑌾𑌮𑍇𑌽𑌵𑌤𑍁 𑌵𑌾𑌮𑌦𑍇𑌵𑌃 । 𑌪𑌾𑌯𑌾𑌨𑍍𑌨𑌿𑌶𑌾𑌦𑍌 𑌶𑌶𑌿𑌶𑍇𑌖𑌰𑍋 𑌮𑌾𑌂 𑌗𑌂𑌗𑌾𑌧𑌰𑍋 𑌰𑌕𑍍𑌷𑌤𑍁 𑌮𑌾𑌂 𑌨𑌿𑌶𑍀𑌥𑍇 । 𑌅𑌂𑌤𑌃𑌸𑍍𑌥𑌿𑌤𑌂 𑌰𑌕𑍍𑌷𑌤𑍁 𑌶𑌂𑌕𑌰𑍋 𑌮𑌾𑌂 𑌸𑍍𑌥𑌾𑌣𑍁𑌃 𑌸𑌦𑌾 𑌪𑌾𑌤𑍁 𑌬𑌹𑌿𑌃𑌸𑍍𑌥𑌿𑌤𑌂 𑌮𑌾𑌮𑍍 । 𑌤𑌿𑌷𑍍𑌠𑌂𑌤𑌮𑌵𑍍𑌯𑌾𑌦𑍍 𑌭𑍁𑌵𑌨𑍈𑌕𑌨𑌾𑌥𑌃 𑌪𑌾𑌯𑌾𑌦𑍍𑌵𑍍𑌰𑌜𑌂𑌤𑌂 𑌪𑍍𑌰𑌮𑌥𑌾𑌧𑌿𑌨𑌾𑌥𑌃 । 𑌮𑌾𑌰𑍍𑌗𑍇𑌷𑍁 𑌮𑌾𑌂 𑌰𑌕𑍍𑌷𑌤𑍁 𑌨𑍀𑌲𑌕𑌂𑌠𑌃 𑌶𑍈𑌲𑌾𑌦𑌿𑌦𑍁𑌰𑍍𑌗𑍇𑌷𑍁 𑌪𑍁𑌰𑌤𑍍𑌰𑌯𑌾𑌰𑌿𑌃 । 𑌕𑌲𑍍𑌪𑌾𑌂𑌤𑌕𑌾𑌲𑍋𑌗𑍍𑌰𑌪𑌟𑍁𑌪𑍍𑌰𑌕𑍋𑌪- 𑌸𑍍𑌫𑍁𑌟𑌾𑌟𑍍𑌟𑌹𑌾𑌸𑍋𑌚𑍍𑌚𑌲𑌿𑌤𑌾𑌂𑌡𑌕𑍋𑌶𑌃 । 𑌪𑌤𑍍𑌤𑍍𑌯𑌶𑍍𑌵𑌮𑌾𑌤𑌂𑌗𑌰𑌥𑌾𑌵𑌰𑍂𑌥𑌿𑌨𑍀- 𑌸𑌹𑌸𑍍𑌰𑌲𑌕𑍍𑌷𑌾𑌯𑍁𑌤 𑌕𑍋𑌟𑌿𑌭𑍀𑌷𑌣𑌮𑍍 । 𑌨𑌿𑌹𑌂𑌤𑍁 𑌦𑌸𑍍𑌯𑍂𑌨𑍍𑌪𑍍𑌰𑌲𑌯𑌾𑌨𑌲𑌾𑌰𑍍𑌚𑌿𑌃 𑌜𑍍𑌵𑌲𑌤𑍍𑌤𑍍𑌰𑌿𑌶𑍂𑌲𑌂 𑌤𑍍𑌰𑌿𑌪𑍁𑌰𑌾𑌂𑌤𑌕𑌸𑍍𑌯 । 𑌶𑌾𑌰𑍍𑌦𑍂𑌲𑌸𑌿𑌂𑌹𑌰𑍍𑌕𑍍𑌷𑌵𑍃𑌕𑌾𑌦𑌿𑌹𑌿𑌂𑌸𑍍𑌰𑌾𑌨𑍍 𑌸𑌂𑌤𑍍𑌰𑌾𑌸𑌯𑌤𑍍𑌵𑍀𑌶𑌧𑌨𑍁𑌃 𑌪𑌿𑌨𑌾𑌕𑌃 ॥ 𑌦𑍁𑌃 𑌸𑍍𑌵𑌪𑍍𑌨 𑌦𑍁𑌃 𑌶𑌕𑍁𑌨 𑌦𑍁𑌰𑍍𑌗𑌤𑌿 𑌦𑍌𑌰𑍍𑌮𑌨𑌸𑍍𑌯- 𑌦𑍁𑌰𑍍𑌭𑌿𑌕𑍍𑌷 𑌦𑍁𑌰𑍍𑌵𑍍𑌯𑌸𑌨 𑌦𑍁𑌃𑌸𑌹 𑌦𑍁𑌰𑍍𑌯𑌶𑌾𑌂𑌸𑌿 । 𑌉𑌤𑍍𑌪𑌾𑌤𑌤𑌾𑌪𑌵𑌿𑌷𑌭𑍀𑌤𑌿𑌮𑌸𑌦𑍍𑌗𑍍𑌰𑌹𑌾𑌰𑍍𑌤𑌿𑌂 𑌵𑍍𑌯𑌾𑌧𑍀𑌂𑌶𑍍𑌚 𑌨𑌾𑌶𑌯𑌤𑍁 𑌮𑍇 𑌜𑌗𑌤𑌾𑌮𑌧𑍀𑌶𑌃 ॥ 𑌓𑌂 𑌨𑌮𑍋 𑌭𑌗𑌵𑌤𑍇 𑌸𑌦𑌾𑌶𑌿𑌵𑌾𑌯 𑌸𑌕𑌲𑌤𑌤𑍍𑌵𑌾𑌤𑍍𑌮𑌕𑌾𑌯 𑌸𑌰𑍍𑌵𑌮𑌂𑌤𑍍𑌰𑌸𑍍𑌵𑌰𑍂𑌪𑌾𑌯 𑌸𑌰𑍍𑌵𑌯𑌂𑌤𑍍𑌰𑌾𑌧𑌿𑌷𑍍𑌠𑌿𑌤𑌾𑌯 𑌸𑌰𑍍𑌵𑌤𑌂𑌤𑍍𑌰𑌸𑍍𑌵𑌰𑍂𑌪𑌾𑌯 𑌸𑌰𑍍𑌵𑌤𑌤𑍍𑌵𑌵𑌿𑌦𑍂𑌰𑌾𑌯 𑌬𑍍𑌰𑌹𑍍𑌮𑌰𑍁𑌦𑍍𑌰𑌾𑌵𑌤𑌾𑌰𑌿𑌣𑍇 𑌨𑍀𑌲𑌕𑌂𑌠𑌾𑌯 𑌪𑌾𑌰𑍍𑌵𑌤𑍀𑌮𑌨𑍋𑌹𑌰𑌪𑍍𑌰𑌿𑌯𑌾𑌯 𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌾𑌯 𑌭𑌸𑍍𑌮𑍋𑌦𑍍𑌧𑍂𑌲𑌿𑌤𑌵𑌿𑌗𑍍𑌰𑌹𑌾𑌯 𑌮𑌹𑌾𑌮𑌣𑌿 𑌮𑍁𑌕𑍁𑌟𑌧𑌾𑌰𑌣𑌾𑌯 𑌮𑌾𑌣𑌿𑌕𑍍𑌯𑌭𑍂𑌷𑌣𑌾𑌯 𑌸𑍃𑌷𑍍𑌟𑌿𑌸𑍍𑌥𑌿𑌤𑌿𑌪𑍍𑌰𑌲𑌯𑌕𑌾𑌲- 𑌰𑍌𑌦𑍍𑌰𑌾𑌵𑌤𑌾𑌰𑌾𑌯 𑌦𑌕𑍍𑌷𑌾𑌧𑍍𑌵𑌰𑌧𑍍𑌵𑌂𑌸𑌕𑌾𑌯 𑌮𑌹𑌾𑌕𑌾𑌲𑌭𑍇𑌦𑌨𑌾𑌯 𑌮𑍂𑌲𑌧𑌾𑌰𑍈𑌕𑌨𑌿𑌲𑌯𑌾𑌯 𑌤𑌤𑍍𑌵𑌾𑌤𑍀𑌤𑌾𑌯 𑌗𑌂𑌗𑌾𑌧𑌰𑌾𑌯 𑌸𑌰𑍍𑌵𑌦𑍇𑌵𑌾𑌦𑌿𑌦𑍇𑌵𑌾𑌯 𑌷𑌡𑌾𑌶𑍍𑌰𑌯𑌾𑌯 𑌵𑍇𑌦𑌾𑌂𑌤𑌸𑌾𑌰𑌾𑌯 𑌤𑍍𑌰𑌿𑌵𑌰𑍍𑌗𑌸𑌾𑌧𑌨𑌾𑌯 𑌅𑌨𑌂𑌤𑌕𑍋𑌟𑌿𑌬𑍍𑌰𑌹𑍍𑌮𑌾𑌂𑌡𑌨𑌾𑌯𑌕𑌾𑌯 𑌅𑌨𑌂𑌤 𑌵𑌾𑌸𑍁𑌕𑌿 𑌤𑌕𑍍𑌷𑌕- 𑌕𑌰𑍍𑌕𑍋𑌟𑌕 𑌶𑌂𑌖 𑌕𑍁𑌲𑌿𑌕- 𑌪𑌦𑍍𑌮 𑌮𑌹𑌾𑌪𑌦𑍍𑌮𑍇𑌤𑌿- 𑌅𑌷𑍍𑌟𑌮𑌹𑌾𑌨𑌾𑌗𑌕𑍁𑌲𑌭𑍂𑌷𑌣𑌾𑌯 𑌪𑍍𑌰𑌣𑌵𑌸𑍍𑌵𑌰𑍂𑌪𑌾𑌯 𑌚𑌿𑌦𑌾𑌕𑌾𑌶𑌾𑌯 𑌆𑌕𑌾𑌶 𑌦𑌿𑌕𑍍 𑌸𑍍𑌵𑌰𑍂𑌪𑌾𑌯 𑌗𑍍𑌰𑌹𑌨𑌕𑍍𑌷𑌤𑍍𑌰𑌮𑌾𑌲𑌿𑌨𑍇 𑌸𑌕𑌲𑌾𑌯 𑌕𑌲𑌂𑌕𑌰𑌹𑌿𑌤𑌾𑌯 𑌸𑌕𑌲𑌲𑍋𑌕𑍈𑌕𑌕𑌰𑍍𑌤𑍍𑌰𑍇 𑌸𑌕𑌲𑌲𑍋𑌕𑍈𑌕𑌭𑌰𑍍𑌤𑍍𑌰𑍇 𑌸𑌕𑌲𑌲𑍋𑌕𑍈𑌕𑌸𑌂𑌹𑌰𑍍𑌤𑍍𑌰𑍇 𑌸𑌕𑌲𑌲𑍋𑌕𑍈𑌕𑌗𑍁𑌰𑌵𑍇 𑌸𑌕𑌲𑌲𑍋𑌕𑍈𑌕𑌸𑌾𑌕𑍍𑌷𑌿𑌣𑍇 𑌸𑌕𑌲𑌨𑌿𑌗𑌮𑌗𑍁𑌹𑍍𑌯𑌾𑌯 𑌸𑌕𑌲𑌵𑍇𑌦𑌾𑌂𑌤𑌪𑌾𑌰𑌗𑌾𑌯 𑌸𑌕𑌲𑌲𑍋𑌕𑍈𑌕𑌵𑌰𑌪𑍍𑌰𑌦𑌾𑌯 𑌸𑌕𑌲𑌲𑍋𑌕𑍈𑌕𑌶𑌂𑌕𑌰𑌾𑌯 𑌸𑌕𑌲𑌦𑍁𑌰𑌿𑌤𑌾𑌰𑍍𑌤𑌿𑌭𑌂𑌜𑌨𑌾𑌯 𑌸𑌕𑌲𑌜𑌗𑌦𑌭𑌯𑌂𑌕𑌰𑌾𑌯 𑌶𑌶𑌾𑌂𑌕𑌶𑍇𑌖𑌰𑌾𑌯 𑌶𑌾𑌶𑍍𑌵𑌤𑌨𑌿𑌜𑌾𑌵𑌾𑌸𑌾𑌯 𑌨𑌿𑌰𑌾𑌕𑌾𑌰𑌾𑌯 𑌨𑌿𑌰𑌾𑌭𑌾𑌸𑌾𑌯 𑌨𑌿𑌰𑌾𑌮𑌯𑌾𑌯 𑌨𑌿𑌰𑍍𑌮𑌲𑌾𑌯 𑌨𑌿𑌰𑍍𑌮𑌦𑌾𑌯 𑌨𑌿𑌶𑍍𑌚𑌿𑌂𑌤𑌾𑌯 𑌨𑌿𑌰𑌹𑌂𑌕𑌾𑌰𑌾𑌯 𑌨𑌿𑌰𑌂𑌕𑍁𑌶𑌾𑌯 𑌨𑌿𑌷𑍍𑌕𑌲𑌂𑌕𑌾𑌯 𑌨𑌿𑌰𑍍𑌗𑍁𑌣𑌾𑌯 𑌨𑌿𑌷𑍍𑌕𑌾𑌮𑌾𑌯 𑌨𑌿𑌰𑍂𑌪𑌪𑍍𑌲𑌵𑌾𑌯 𑌨𑌿𑌰𑍁𑌪𑌦𑍍𑌰𑌵𑌾𑌯 𑌨𑌿𑌰𑌵𑌦𑍍𑌯𑌾𑌯 𑌨𑌿𑌰𑌂𑌤𑌰𑌾𑌯 𑌨𑌿𑌷𑍍𑌕𑌾𑌰𑌣𑌾𑌯 𑌨𑌿𑌰𑌾𑌤𑌂𑌕𑌾𑌯 𑌨𑌿𑌷𑍍𑌪𑍍𑌰𑌪𑌂𑌚𑌾𑌯 𑌨𑌿𑌸𑍍𑌸𑌂𑌗𑌾𑌯 𑌨𑌿𑌰𑍍𑌦𑍍𑌵𑌂𑌦𑍍𑌵𑌾𑌯 𑌨𑌿𑌰𑌾𑌧𑌾𑌰𑌾𑌯 𑌨𑍀𑌰𑌾𑌗𑌾𑌯 𑌨𑌿𑌷𑍍𑌕𑍍𑌰𑍋𑌧𑌾𑌯 𑌨𑌿𑌰𑍍𑌲𑍋𑌪𑌾𑌯 𑌨𑌿𑌷𑍍𑌪𑌾𑌪𑌾𑌯 𑌨𑌿𑌰𑍍𑌭𑌯𑌾𑌯 𑌨𑌿𑌰𑍍𑌵𑌿𑌕𑌲𑍍𑌪𑌾𑌯 𑌨𑌿𑌰𑍍𑌭𑍇𑌦𑌾𑌯 𑌨𑌿𑌷𑍍𑌕𑍍𑌰𑌿𑌯𑌾𑌯 𑌨𑌿𑌸𑍍𑌤𑍁𑌲𑌾𑌯 𑌨𑌿𑌃𑌸𑌂𑌶𑌯𑌾𑌯 𑌨𑌿𑌰𑌂𑌜𑌨𑌾𑌯 𑌨𑌿𑌰𑍁𑌪𑌮𑌵𑌿𑌭𑌵𑌾𑌯 𑌨𑌿𑌤𑍍𑌯𑌶𑍁𑌦𑍍𑌧𑌬𑍁𑌦𑍍𑌧𑌮𑍁𑌕𑍍𑌤𑌪𑌰𑌿𑌪𑍂𑌰𑍍𑌣- 𑌸𑌚𑍍𑌚𑌿𑌦𑌾𑌨𑌂𑌦𑌾𑌦𑍍𑌵𑌯𑌾𑌯 𑌪𑌰𑌮𑌶𑌾𑌂𑌤𑌸𑍍𑌵𑌰𑍂𑌪𑌾𑌯 𑌪𑌰𑌮𑌶𑌾𑌂𑌤𑌪𑍍𑌰𑌕𑌾𑌶𑌾𑌯 𑌤𑍇𑌜𑍋𑌰𑍂𑌪𑌾𑌯 𑌤𑍇𑌜𑍋𑌮𑌯𑌾𑌯 𑌤𑍇𑌜𑍋𑌽𑌧𑌿𑌪𑌤𑌯𑍇 𑌜𑌯 𑌜𑌯 𑌰𑍁𑌦𑍍𑌰 𑌮𑌹𑌾𑌰𑍁𑌦𑍍𑌰 𑌮𑌹𑌾𑌰𑍌𑌦𑍍𑌰 𑌭𑌦𑍍𑌰𑌾𑌵𑌤𑌾𑌰 𑌮𑌹𑌾𑌭𑍈𑌰𑌵 𑌕𑌾𑌲𑌭𑍈𑌰𑌵 𑌕𑌲𑍍𑌪𑌾𑌂𑌤𑌭𑍈𑌰𑌵 𑌕𑌪𑌾𑌲𑌮𑌾𑌲𑌾𑌧𑌰 𑌖𑌟𑍍𑌵𑌾𑌂𑌗 𑌚𑌰𑍍𑌮𑌖𑌡𑍍𑌗𑌧𑌰 𑌪𑌾𑌶𑌾𑌂𑌕𑍁𑌶- 𑌡𑌮𑌰𑍂𑌶𑍂𑌲 𑌚𑌾𑌪𑌬𑌾𑌣𑌗𑌦𑌾𑌶𑌕𑍍𑌤𑌿𑌭𑌿𑌂𑌦𑌿𑌪𑌾𑌲- 𑌤𑍋𑌮𑌰 𑌮𑍁𑌸𑌲 𑌮𑍁𑌦𑍍𑌗𑌰 𑌪𑌾𑌶 𑌪𑌰𑌿𑌘- 𑌭𑍁𑌶𑍁𑌂𑌡𑍀 𑌶𑌤𑌘𑍍𑌨𑍀 𑌚𑌕𑍍𑌰𑌾𑌦𑍍𑌯𑌾𑌯𑍁𑌧𑌭𑍀𑌷𑌣𑌾𑌕𑌾𑌰- 𑌸𑌹𑌸𑍍𑌰𑌮𑍁𑌖𑌦𑌂𑌷𑍍𑌟𑍍𑌰𑌾𑌕𑌰𑌾𑌲𑌵𑌦𑌨 𑌵𑌿𑌕𑌟𑌾𑌟𑍍𑌟𑌹𑌾𑌸 𑌵𑌿𑌸𑍍𑌫𑌾𑌰𑌿𑌤 𑌬𑍍𑌰𑌹𑍍𑌮𑌾𑌂𑌡𑌮𑌂𑌡𑌲 𑌨𑌾𑌗𑍇𑌂𑌦𑍍𑌰𑌕𑍁𑌂𑌡𑌲 𑌨𑌾𑌗𑍇𑌂𑌦𑍍𑌰𑌹𑌾𑌰 𑌨𑌾𑌗𑍇𑌂𑌦𑍍𑌰𑌵𑌲𑌯 𑌨𑌾𑌗𑍇𑌂𑌦𑍍𑌰𑌚𑌰𑍍𑌮𑌧𑌰 𑌨𑌾𑌗𑍇𑌂𑌦𑍍𑌰𑌨𑌿𑌕𑍇𑌤𑌨 𑌮𑍃𑌤𑍍𑌯𑍁𑌂𑌜𑌯 𑌤𑍍𑌰𑍍𑌯𑌂𑌬𑌕 𑌤𑍍𑌰𑌿𑌪𑍁𑌰𑌾𑌂𑌤𑌕 𑌵𑌿𑌶𑍍𑌵𑌰𑍂𑌪 𑌵𑌿𑌰𑍂𑌪𑌾𑌕𑍍𑌷 𑌵𑌿𑌶𑍍𑌵𑍇𑌶𑍍𑌵𑌰 𑌵𑍃𑌷𑌭𑌵𑌾𑌹𑌨 𑌵𑌿𑌷𑌵𑌿𑌭𑍂𑌷𑌣 𑌵𑌿𑌶𑍍𑌵𑌤𑍋𑌮𑍁𑌖 𑌸𑌰𑍍𑌵𑌤𑍋𑌮𑍁𑌖 𑌮𑌾𑌂 𑌰𑌕𑍍𑌷 𑌰𑌕𑍍𑌷 𑌜𑍍𑌵𑌲𑌜𑍍𑌵𑌲 𑌪𑍍𑌰𑌜𑍍𑌵𑌲 𑌪𑍍𑌰𑌜𑍍𑌵𑌲 𑌮𑌹𑌾𑌮𑍃𑌤𑍍𑌯𑍁𑌭𑌯𑌂 𑌶𑌮𑌯 𑌶𑌮𑌯 𑌅𑌪𑌮𑍃𑌤𑍍𑌯𑍁𑌭𑌯𑌂 𑌨𑌾𑌶𑌯 𑌨𑌾𑌶𑌯 𑌰𑍋𑌗𑌭𑌯𑌂 𑌉𑌤𑍍𑌸𑌾𑌦𑌯𑍋𑌤𑍍𑌸𑌾𑌦𑌯 𑌵𑌿𑌷𑌸𑌰𑍍𑌪𑌭𑌯𑌂 𑌶𑌮𑌯 𑌶𑌮𑌯 𑌚𑍋𑌰𑌾𑌨𑍍 𑌮𑌾𑌰𑌯 𑌮𑌾𑌰𑌯 𑌮𑌮 𑌶𑌤𑍍𑌰𑍂𑌨𑍍 𑌉𑌚𑍍𑌚𑌾𑌟𑌯𑍋𑌚𑍍𑌚𑌾𑌟𑌯 𑌤𑍍𑌰𑌿𑌶𑍂𑌲𑍇𑌨 𑌵𑌿𑌦𑌾𑌰𑌯 𑌵𑌿𑌦𑌾𑌰𑌯 𑌕𑍁𑌠𑌾𑌰𑍇𑌣 𑌭𑌿𑌂𑌧𑌿 𑌭𑌿𑌂𑌧𑌿 𑌖𑌡𑍍𑌗𑍇𑌨 𑌛𑌿𑌂𑌦𑍍𑌦𑌿 𑌛𑌿𑌂𑌦𑍍𑌦𑌿 𑌖𑌟𑍍𑌵𑌾𑌂𑌗𑍇𑌨 𑌵𑌿𑌪𑍋𑌧𑌯 𑌵𑌿𑌪𑍋𑌧𑌯 𑌮𑍁𑌸𑌲𑍇𑌨 𑌨𑌿𑌷𑍍𑌪𑍇𑌷𑌯 𑌨𑌿𑌷𑍍𑌪𑍇𑌷𑌯 𑌬𑌾𑌣𑍈𑌃 𑌸𑌂𑌤𑌾𑌡𑌯 𑌸𑌂𑌤𑌾𑌡𑌯 𑌯𑌕𑍍𑌷 𑌰𑌕𑍍𑌷𑌾𑌂𑌸𑌿 𑌭𑍀𑌷𑌯 𑌭𑍀𑌷𑌯 𑌅𑌶𑍇𑌷 𑌭𑍂𑌤𑌾𑌨𑍍 𑌵𑌿𑌦𑍍𑌰𑌾𑌵𑌯 𑌵𑌿𑌦𑍍𑌰𑌾𑌵𑌯 𑌕𑍂𑌷𑍍𑌮𑌾𑌂𑌡𑌭𑍂𑌤𑌵𑍇𑌤𑌾𑌲𑌮𑌾𑌰𑍀𑌗𑌣- 𑌬𑍍𑌰𑌹𑍍𑌮𑌰𑌾𑌕𑍍𑌷𑌸𑌗𑌣𑌾𑌨𑍍 𑌸𑌂𑌤𑍍𑌰𑌾𑌸𑌯 𑌸𑌂𑌤𑍍𑌰𑌾𑌸𑌯 𑌮𑌮 𑌅𑌭𑌯𑌂 𑌕𑍁𑌰𑍁 𑌕𑍁𑌰𑍁 𑌮𑌮 𑌪𑌾𑌪𑌂 𑌶𑍋𑌧𑌯 𑌶𑍋𑌧𑌯 𑌵𑌿𑌤𑍍𑌰𑌸𑍍𑌤𑌂 𑌮𑌾𑌂 𑌆𑌶𑍍𑌵𑌾𑌸𑌯 𑌆𑌶𑍍𑌵𑌾𑌸𑌯 𑌨𑌰𑌕𑌮𑌹𑌾𑌭𑌯𑌾𑌨𑍍 𑌮𑌾𑌂 𑌉𑌦𑍍𑌧𑌰 𑌉𑌦𑍍𑌧𑌰 𑌅𑌮𑍃𑌤𑌕𑌟𑌾𑌕𑍍𑌷𑌵𑍀𑌕𑍍𑌷𑌣𑍇𑌨 𑌮𑌾𑌂- 𑌆𑌲𑍋𑌕𑌯 𑌆𑌲𑍋𑌕𑌯 𑌸𑌂𑌜𑍀𑌵𑌯 𑌸𑌂𑌜𑍀𑌵𑌯 𑌕𑍍𑌷𑍁𑌤𑍍𑌤𑍃𑌷𑍍𑌣𑌾𑌰𑍍𑌤𑌂 𑌮𑌾𑌂 𑌆𑌪𑍍𑌯𑌾𑌯𑌯 𑌆𑌪𑍍𑌯𑌾𑌯𑌯 𑌦𑍁𑌃𑌖𑌾𑌤𑍁𑌰𑌂 𑌮𑌾𑌂 𑌆𑌨𑌂𑌦𑌯 𑌆𑌨𑌂𑌦𑌯 𑌶𑌿𑌵𑌕𑌵𑌚𑍇𑌨 𑌮𑌾𑌂 𑌆𑌚𑍍𑌛𑌾𑌦𑌯 𑌆𑌚𑍍𑌛𑌾𑌦𑌯 𑌹𑌰 𑌹𑌰 𑌮𑍃𑌤𑍍𑌯𑍁𑌂𑌜𑌯 𑌤𑍍𑌰𑍍𑌯𑌂𑌬𑌕 𑌸𑌦𑌾𑌶𑌿𑌵 𑌪𑌰𑌮𑌶𑌿𑌵 𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌨𑌮𑌃 ॥ 𑌪𑍂𑌰𑍍𑌵𑌵𑌤𑍍 - 𑌹𑍃𑌦𑌯𑌾𑌦𑌿 𑌨𑍍𑌯𑌾𑌸𑌃 । 𑌪𑌂𑌚𑌪𑍂𑌜𑌾 ॥ 𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌵𑌿𑌮𑍋𑌕𑌃 ॥ 𑌫𑌲𑌶𑍍𑌰𑍁𑌤𑌿𑌃 𑌯𑌃 𑌸𑌦𑌾 𑌧𑌾𑌰𑌯𑍇𑌨𑍍𑌮𑌰𑍍𑌤𑍍𑌯𑌃 𑌶𑍈𑌵𑌂 𑌕𑌵𑌚𑌮𑍁𑌤𑍍𑌤𑌮𑌮𑍍 । 𑌕𑍍𑌷𑍀𑌣𑌾𑌯𑍁𑌃 𑌪𑍍𑌰𑌾𑌪𑍍𑌤𑌮𑍃𑌤𑍍𑌯𑍁𑌰𑍍𑌵𑌾 𑌮𑌹𑌾𑌰𑍋𑌗𑌹𑌤𑍋𑌽𑌪𑌿 𑌵𑌾 । 𑌸𑌰𑍍𑌵𑌦𑌾𑌰𑌿𑌦𑍍𑌰𑌯𑌶𑌮𑌨𑌂 𑌸𑍌𑌮𑌾𑌂𑌗𑌲𑍍𑌯𑌵𑌿𑌵𑌰𑍍𑌧𑌨𑌮𑍍 । 𑌮𑌹𑌾𑌪𑌾𑌤𑌕𑌸𑌂𑌘𑌾𑌤𑍈𑌰𑍍𑌮𑍁𑌚𑍍𑌯𑌤𑍇 𑌚𑍋𑌪𑌪𑌾𑌤𑌕𑍈𑌃 । 𑌤𑍍𑌵𑌮𑌪𑌿 𑌶𑍍𑌰𑌦𑍍𑌦𑌯𑌾 𑌵𑌤𑍍𑌸 𑌶𑍈𑌵𑌂 𑌕𑌵𑌚𑌮𑍁𑌤𑍍𑌤𑌮𑌮𑍍 । 𑌶𑍍𑌰𑍀𑌸𑍂𑌤 𑌉𑌵𑌾𑌚 𑌇𑌤𑍍𑌯𑍁𑌕𑍍𑌤𑍍𑌵𑌾 𑌋𑌷𑌭𑍋 𑌯𑍋𑌗𑍀 𑌤𑌸𑍍𑌮𑍈 𑌪𑌾𑌰𑍍𑌥𑌿𑌵 𑌸𑍂𑌨𑌵𑍇 । 𑌪𑍁𑌨𑌶𑍍𑌚 𑌭𑌸𑍍𑌮 𑌸𑌂𑌮𑌂𑌤𑍍𑌰𑍍𑌯 𑌤𑌦𑌂𑌗𑌂 𑌪𑌰𑌿𑌤𑍋𑌽𑌸𑍍𑌪𑍃𑌶𑌤𑍍 । 𑌭𑌸𑍍𑌮𑌪𑍍𑌰𑌭𑌾𑌵𑌾𑌤𑍍 𑌸𑌂𑌪𑍍𑌰𑌾𑌪𑍍𑌤𑌬𑌲𑍈𑌶𑍍𑌵𑌰𑍍𑌯 𑌧𑍃𑌤𑌿 𑌸𑍍𑌮𑍃𑌤𑌿𑌃 । 𑌤𑌮𑌾𑌹 𑌪𑍍𑌰𑌾𑌂𑌜𑌲𑌿𑌂 𑌭𑍂𑌯𑌃 𑌸 𑌯𑍋𑌗𑍀 𑌨𑍃𑌪𑌨𑌂𑌦𑌨𑌮𑍍 । 𑌶𑌿𑌤𑌧𑌾𑌰𑌮𑌿𑌮𑌂 𑌖𑌡𑍍𑌗𑌂 𑌯𑌸𑍍𑌮𑍈 𑌦𑌰𑍍𑌶𑌯𑌸𑍇 𑌸𑍍𑌫𑍁𑌟𑌮𑍍 । 𑌅𑌸𑍍𑌯 𑌶𑌂𑌖𑌸𑍍𑌯 𑌨𑌿𑌰𑍍𑌹𑍍𑌰𑌾𑌦𑌂 𑌯𑍇 𑌶𑍃𑌣𑍍𑌵𑌂𑌤𑌿 𑌤𑌵𑌾𑌹𑌿𑌤𑌾𑌃 । 𑌖𑌡𑍍𑌗𑌶𑌂𑌖𑌾𑌵𑌿𑌮𑍌 𑌦𑌿𑌵𑍍𑌯𑍌 𑌪𑌰𑌸𑍈𑌨𑍍𑌯𑌵𑌿𑌨𑌾𑌶𑌕𑍌 । 𑌏𑌤𑌯𑍋𑌶𑍍𑌚 𑌪𑍍𑌰𑌭𑌾𑌵𑍇𑌨 𑌶𑍈𑌵𑍇𑌨 𑌕𑌵𑌚𑍇𑌨 𑌚 । 𑌭𑌸𑍍𑌮𑌧𑌾𑌰𑌣 𑌸𑌾𑌮𑌰𑍍𑌥𑍍𑌯𑌾𑌚𑍍𑌛𑌤𑍍𑌰𑍁𑌸𑍈𑌨𑍍𑌯𑌂 𑌵𑌿𑌜𑍇𑌷𑍍𑌯𑌸𑍇 । 𑌇𑌤𑌿 𑌭𑌦𑍍𑌰𑌾𑌯𑍁𑌷𑌂 𑌸𑌮𑍍𑌯𑌗𑌨𑍁𑌶𑌾𑌸𑍍𑌯 𑌸𑌮𑌾𑌤𑍃𑌕𑌮𑍍 । 𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦𑌮𑌹𑌾𑌪𑍁𑌰𑌾𑌣𑍇 𑌬𑍍𑌰𑌹𑍍𑌮𑍋𑌤𑍍𑌤𑌰𑌖𑌂𑌡𑍇 𑌶𑌿𑌵𑌕𑌵𑌚 𑌪𑍍𑌰𑌭𑌾𑌵 𑌵𑌰𑍍𑌣𑌨𑌂 𑌨𑌾𑌮 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃 𑌸𑌂𑌪𑍂𑌰𑍍𑌣𑌃 ॥ ॥
|
