𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌹𑍍𑌮𑌣𑌮𑍍 । 𑌅𑌷𑍍𑌟𑌕𑌮𑍍 - 3 𑌪𑍍𑌰𑌶𑍍𑌨𑌃 - 1
𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌃 । 𑌕𑌾𑌂𑌡 3 𑌪𑍍𑌰𑌪𑌾𑌠𑌕𑌃 - 5 𑌅𑌨𑍁𑌵𑌾𑌕𑌮𑍍 - 1

𑌓𑌮𑍍 ॥ 𑌅॒𑌗𑍍𑌨𑌿𑌰𑍍𑌨𑌃॑ 𑌪𑌾𑌤𑍁॒ 𑌕𑍃𑌤𑍍𑌤𑌿॑𑌕𑌾𑌃 । 𑌨𑌕𑍍𑌷॑𑌤𑍍𑌰𑌂 𑌦𑍇॒𑌵𑌮𑌿𑌂॑𑌦𑍍𑌰𑌿॒𑌯𑌮𑍍 । 𑌇॒𑌦𑌮𑌾॑𑌸𑌾𑌂 𑌵𑌿𑌚𑌕𑍍𑌷॒𑌣𑌮𑍍 । 𑌹॒𑌵𑌿𑌰𑌾॒𑌸𑌂 𑌜𑍁॑𑌹𑍋𑌤𑌨 । 𑌯𑌸𑍍𑌯॒ 𑌭𑌾𑌂𑌤𑌿॑ 𑌰॒𑌶𑍍𑌮𑌯𑍋॒ 𑌯𑌸𑍍𑌯॑ 𑌕𑍇॒𑌤𑌵𑌃॑ । 𑌯𑌸𑍍𑌯𑍇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌸𑌰𑍍𑌵𑌾᳚ । 𑌸 𑌕𑍃𑌤𑍍𑌤𑌿॑𑌕𑌾𑌭𑌿𑌰॒𑌭𑌿𑌸𑌂॒𑌵𑌸𑌾॑𑌨𑌃 । 𑌅॒𑌗𑍍𑌨𑌿𑌰𑍍𑌨𑍋॑ 𑌦𑍇॒𑌵𑌸𑍍𑌸𑍁॑𑌵𑌿॒𑌤𑍇 𑌦॑𑌧𑌾𑌤𑍁 ॥ 1 ॥

𑌪𑍍𑌰॒𑌜𑌾𑌪॑𑌤𑍇 𑌰𑍋𑌹𑌿॒𑌣𑍀𑌵𑍇॑𑌤𑍁॒ 𑌪𑌤𑍍𑌨𑍀᳚ । 𑌵𑌿॒𑌶𑍍𑌵𑌰𑍂॑𑌪𑌾 𑌬𑍃𑌹॒𑌤𑍀 𑌚𑌿॒𑌤𑍍𑌰𑌭𑌾॑𑌨𑍁𑌃 । 𑌸𑌾 𑌨𑍋॑ 𑌯॒𑌜𑍍𑌞𑌸𑍍𑌯॑ 𑌸𑍁𑌵𑌿॒𑌤𑍇 𑌦॑𑌧𑌾𑌤𑍁 । 𑌯𑌥𑌾॒ 𑌜𑍀𑌵𑍇॑𑌮 𑌶॒𑌰𑌦॒𑌸𑍍𑌸𑌵𑍀॑𑌰𑌾𑌃 । 𑌰𑍋॒𑌹𑌿॒𑌣𑍀 𑌦𑍇॒𑌵𑍍𑌯𑍁𑌦॑𑌗𑌾𑌤𑍍𑌪𑍁॒𑌰𑌸𑍍𑌤𑌾᳚𑌤𑍍 । 𑌵𑌿𑌶𑍍𑌵𑌾॑ 𑌰𑍂॒𑌪𑌾𑌣𑌿॑ 𑌪𑍍𑌰𑌤𑌿॒𑌮𑍋𑌦॑𑌮𑌾𑌨𑌾 । 𑌪𑍍𑌰॒𑌜𑌾𑌪॑𑌤𑌿𑌗𑍍-𑌮𑍍 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑍀 । 𑌪𑍍𑌰𑌿॒𑌯𑌾 𑌦𑍇॒𑌵𑌾𑌨𑌾॒𑌮𑍁𑌪॑𑌯𑌾𑌤𑍁 𑌯॒𑌜𑍍𑌞𑌮𑍍 ॥ 2 ॥

𑌸𑍋𑌮𑍋॒ 𑌰𑌾𑌜𑌾॑ 𑌮𑍃𑌗𑌶𑍀॒𑌰𑍍॒𑌷𑍇𑌣॒ 𑌆𑌗𑌨𑍍𑌨𑍍॑ । 𑌶𑌿॒𑌵𑌂 𑌨𑌕𑍍𑌷॑𑌤𑍍𑌰𑌂 𑌪𑍍𑌰𑌿॒𑌯𑌮॑𑌸𑍍𑌯॒ 𑌧𑌾𑌮॑ । 𑌆॒𑌪𑍍𑌯𑌾𑌯॑𑌮𑌾𑌨𑍋 𑌬𑌹𑍁॒𑌧𑌾 𑌜𑌨𑍇॑𑌷𑍁 । 𑌰𑍇𑌤𑌃॑ 𑌪𑍍𑌰॒𑌜𑌾𑌂 𑌯𑌜॑𑌮𑌾𑌨𑍇 𑌦𑌧𑌾𑌤𑍁 । 𑌯𑌤𑍍𑌤𑍇॒ 𑌨𑌕𑍍𑌷॑𑌤𑍍𑌰𑌂 𑌮𑍃𑌗𑌶𑍀॒𑌰𑍍॒𑌷𑌮𑌸𑍍𑌤𑌿॑ । 𑌪𑍍𑌰𑌿॒𑌯𑌗𑍍-𑌮𑍍 𑌰𑌾॑𑌜𑌨𑍍 𑌪𑍍𑌰𑌿॒𑌯𑌤॑𑌮𑌂 𑌪𑍍𑌰𑌿॒𑌯𑌾𑌣𑌾᳚𑌮𑍍 । 𑌤𑌸𑍍𑌮𑍈॑ 𑌤𑍇 𑌸𑍋𑌮 𑌹॒𑌵𑌿𑌷𑌾॑ 𑌵𑌿𑌧𑍇𑌮 । 𑌶𑌨𑍍𑌨॑ 𑌏𑌧𑌿 𑌦𑍍𑌵𑌿॒𑌪𑌦𑍇॒ 𑌶𑌂 𑌚𑌤𑍁॑𑌷𑍍𑌪𑌦𑍇 ॥ 3 ॥

𑌆॒𑌰𑍍𑌦𑍍𑌰𑌯𑌾॑ 𑌰𑍁॒𑌦𑍍𑌰𑌃 𑌪𑍍𑌰𑌥॑𑌮𑌾 𑌨 𑌏𑌤𑌿 । 𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌾𑌨𑌾𑌂॒ 𑌪𑌤𑌿॑𑌰𑌘𑍍𑌨𑌿॒𑌯𑌾𑌨𑌾᳚𑌮𑍍 । 𑌨𑌕𑍍𑌷॑𑌤𑍍𑌰𑌮𑌸𑍍𑌯 𑌹॒𑌵𑌿𑌷𑌾॑ 𑌵𑌿𑌧𑍇𑌮 । 𑌮𑌾 𑌨𑌃॑ 𑌪𑍍𑌰॒𑌜𑌾𑌗𑍍-𑌮𑍍 𑌰𑍀॑𑌰𑌿𑌷॒𑌨𑍍𑌮𑍋𑌤 𑌵𑍀॒𑌰𑌾𑌨𑍍 । 𑌹𑍇॒𑌤𑌿 𑌰𑍁॒𑌦𑍍𑌰𑌸𑍍𑌯॒ 𑌪𑌰𑌿॑𑌣𑍋 𑌵𑍃𑌣𑌕𑍍𑌤𑍁 । 𑌆॒𑌰𑍍𑌦𑍍𑌰𑌾 𑌨𑌕𑍍𑌷॑𑌤𑍍𑌰𑌂 𑌜𑍁𑌷𑌤𑌾𑌗𑍍-𑌮𑍍 𑌹॒𑌵𑌿𑌰𑍍𑌨𑌃॑ । 𑌪𑍍𑌰॒𑌮𑍁𑌂॒𑌚𑌮𑌾॑𑌨𑍌 𑌦𑍁𑌰𑌿॒𑌤𑌾𑌨𑌿॒ 𑌵𑌿𑌶𑍍𑌵𑌾᳚ । 𑌅𑌪𑌾॒𑌘𑌶𑌗𑍍-𑌮𑍍॑ 𑌸𑌨𑍍𑌨𑍁𑌦𑌤𑌾॒𑌮𑌰𑌾॑𑌤𑌿𑌮𑍍 । ॥ 4॥

𑌪𑍁𑌨॑𑌰𑍍𑌨𑍋 𑌦𑍇॒𑌵𑍍𑌯𑌦𑌿॑𑌤𑌿𑌸𑍍𑌪𑍃𑌣𑍋𑌤𑍁 । 𑌪𑍁𑌨॑𑌰𑍍𑌵𑌸𑍂𑌨𑌃॒ 𑌪𑍁𑌨॒𑌰𑍇𑌤𑌾𑌂᳚ 𑌯॒𑌜𑍍𑌞𑌮𑍍 । 𑌪𑍁𑌨॑𑌰𑍍𑌨𑍋 𑌦𑍇॒𑌵𑌾 𑌅॒𑌭𑌿𑌯𑌂॑𑌤𑍁॒ 𑌸𑌰𑍍𑌵𑍇᳚ । 𑌪𑍁𑌨𑌃॑ 𑌪𑍁𑌨𑌰𑍍𑌵𑍋 𑌹॒𑌵𑌿𑌷𑌾॑ 𑌯𑌜𑌾𑌮𑌃 । 𑌏॒𑌵𑌾 𑌨 𑌦𑍇॒𑌵𑍍𑌯𑌦𑌿॑𑌤𑌿𑌰𑌨॒𑌰𑍍𑌵𑌾 । 𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍍𑌰𑍀 𑌜𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾 । 𑌪𑍁𑌨॑𑌰𑍍𑌵𑌸𑍂 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑍀 । 𑌪𑍍𑌰𑌿॒𑌯𑌂 𑌦𑍇॒𑌵𑌾𑌨𑌾॒-𑌮𑌪𑍍𑌯𑍇॑𑌤𑍁॒ 𑌪𑌾𑌥𑌃॑ ॥ 5॥

𑌬𑍃𑌹॒𑌸𑍍𑌪𑌤𑌿𑌃॑ 𑌪𑍍𑌰𑌥॒𑌮𑌂 𑌜𑌾𑌯॑𑌮𑌾𑌨𑌃 । 𑌤𑌿॒𑌷𑍍𑌯𑌂॑ 𑌨𑌕𑍍𑌷॑𑌤𑍍𑌰𑌮॒𑌭𑌿 𑌸𑌂𑌬॑𑌭𑍂𑌵 । 𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌾𑌨𑌾𑌂॒ 𑌪𑍃𑌤॑𑌨𑌾𑌸𑍁𑌜𑌿॒𑌷𑍍𑌣𑍁𑌃 । 𑌦𑌿॒𑌶𑍋𑌽𑌨𑍁॒ 𑌸𑌰𑍍𑌵𑌾॒ 𑌅𑌭॑𑌯𑌨𑍍𑌨𑍋 𑌅𑌸𑍍𑌤𑍁 । 𑌤𑌿॒𑌷𑍍𑌯𑌃॑ 𑌪𑍁॒𑌰𑌸𑍍𑌤𑌾॑𑌦𑍁॒𑌤 𑌮॑𑌧𑍍𑌯॒𑌤𑍋 𑌨𑌃॑ । 𑌬𑍃𑌹॒𑌸𑍍𑌪𑌤𑌿॑𑌰𑍍𑌨𑌃॒ 𑌪𑌰𑌿॑𑌪𑌾𑌤𑍁 𑌪॒𑌶𑍍𑌚𑌾𑌤𑍍 । 𑌬𑌾𑌧𑍇॑𑌤𑌾𑌂॒𑌦𑍍𑌵𑍇𑌷𑍋॒ 𑌅𑌭॑𑌯𑌂 𑌕𑍃𑌣𑍁𑌤𑌾𑌮𑍍 । 𑌸𑍁॒𑌵𑍀𑌰𑍍𑌯॑𑌸𑍍𑌯॒ 𑌪𑌤॑𑌯𑌸𑍍𑌯𑌾𑌮 ॥ 6 ॥

𑌇॒𑌦𑌗𑍍-𑌮𑍍 𑌸॒𑌰𑍍𑌪𑍇𑌭𑍍𑌯𑍋॑ 𑌹॒𑌵𑌿𑌰॑𑌸𑍍𑌤𑍁॒ 𑌜𑍁𑌷𑍍𑌟𑌮𑍍᳚ । 𑌆॒𑌶𑍍𑌰𑍇॒𑌷𑌾 𑌯𑍇𑌷𑌾॑𑌮𑌨𑍁॒𑌯𑌂𑌤𑌿॒ 𑌚𑍇𑌤𑌃॑ । 𑌯𑍇 𑌅𑌂॒𑌤𑌰𑌿॑𑌕𑍍𑌷𑌂 𑌪𑍃𑌥𑌿॒𑌵𑍀𑌂 𑌕𑍍𑌷𑌿॒𑌯𑌂𑌤𑌿॑ । 𑌤𑍇 𑌨॑𑌸𑍍𑌸॒𑌰𑍍𑌪𑌾𑌸𑍋॒ 𑌹𑌵॒𑌮𑌾𑌗॑𑌮𑌿𑌷𑍍𑌠𑌾𑌃 । 𑌯𑍇 𑌰𑍋॑𑌚॒𑌨𑍇 𑌸𑍂𑌰𑍍𑌯॒𑌸𑍍𑌯𑌾𑌪𑌿॑ 𑌸॒𑌰𑍍𑌪𑌾𑌃 । 𑌯𑍇 𑌦𑌿𑌵𑌂॑ 𑌦𑍇॒𑌵𑍀𑌮𑌨𑍁॑𑌸𑌂॒𑌚𑌰𑌂॑𑌤𑌿 । 𑌯𑍇𑌷𑌾॑𑌮𑌶𑍍𑌰𑍇॒𑌷𑌾 𑌅॑𑌨𑍁॒𑌯𑌂𑌤𑌿॒ 𑌕𑌾𑌮𑌮𑍍᳚ । 𑌤𑍇𑌭𑍍𑌯॑𑌸𑍍𑌸॒𑌰𑍍𑌪𑍇𑌭𑍍𑌯𑍋॒ 𑌮𑌧𑍁॑𑌮𑌜𑍍𑌜𑍁𑌹𑍋𑌮𑌿 ॥ 𑍭 ॥

𑌉𑌪॑𑌹𑍂𑌤𑌾𑌃 𑌪𑌿॒𑌤𑌰𑍋॒ 𑌯𑍇 𑌮॒𑌘𑌾𑌸𑍁॑ । 𑌮𑌨𑍋॑𑌜𑌵𑌸𑌸𑍍𑌸𑍁॒𑌕𑍃𑌤॑𑌸𑍍𑌸𑍁𑌕𑍃॒𑌤𑍍𑌯𑌾𑌃 । 𑌤𑍇 𑌨𑍋॒ 𑌨𑌕𑍍𑌷॑𑌤𑍍𑌰𑍇॒ 𑌹𑌵॒𑌮𑌾𑌗॑𑌮𑌿𑌷𑍍𑌠𑌾𑌃 । 𑌸𑍍𑌵॒𑌧𑌾𑌭𑌿॑𑌰𑍍𑌯॒𑌜𑍍𑌞𑌂 𑌪𑍍𑌰𑌯॑𑌤𑌂 𑌜𑍁𑌷𑌂𑌤𑌾𑌮𑍍 । 𑌯𑍇 𑌅॑𑌗𑍍𑌨𑌿𑌦॒𑌗𑍍𑌧𑌾 𑌯𑍇𑌽𑌨॑𑌗𑍍𑌨𑌿𑌦𑌗𑍍𑌧𑌾𑌃 । 𑌯𑍇॑𑌽𑌮𑍁𑌲𑍍𑌲𑍋॒𑌕𑌂 𑌪𑌿॒𑌤𑌰𑌃॑ 𑌕𑍍𑌷𑌿॒𑌯𑌂𑌤𑌿॑ । 𑌯𑌾𑌗𑍍-𑌶𑍍𑌚॑ 𑌵𑌿॒𑌦𑍍𑌮𑌯𑌾𑌗𑍍-𑌮𑍍 𑌉॑ 𑌚॒ 𑌨 𑌪𑍍𑌰॑𑌵𑌿॒𑌦𑍍𑌮 । 𑌮॒𑌘𑌾𑌸𑍁॑ 𑌯॒𑌜𑍍𑌞𑌗𑍍-𑌮𑍍 𑌸𑍁𑌕𑍃॑𑌤𑌂 𑌜𑍁𑌷𑌂𑌤𑌾𑌮𑍍 ॥ 𑍮॥

𑌗𑌵𑌾𑌂॒ 𑌪𑌤𑌿𑌃॒ 𑌫𑌲𑍍𑌗𑍁॑𑌨𑍀𑌨𑌾𑌮𑌸𑌿॒ 𑌤𑍍𑌵𑌮𑍍 । 𑌤𑌦॑𑌰𑍍𑌯𑌮𑌨𑍍 𑌵𑌰𑍁𑌣𑌮𑌿𑌤𑍍𑌰॒ 𑌚𑌾𑌰𑍁॑ । 𑌤𑌂 𑌤𑍍𑌵𑌾॑ 𑌵॒𑌯𑌗𑍍-𑌮𑍍 𑌸॑𑌨𑌿॒𑌤𑌾𑌰𑌗𑍍-𑌮𑍍॑ 𑌸𑌨𑍀॒𑌨𑌾𑌮𑍍 । 𑌜𑍀॒𑌵𑌾 𑌜𑍀𑌵॑𑌂𑌤॒𑌮𑍁𑌪॒ 𑌸𑌂𑌵𑌿॑𑌶𑍇𑌮 । 𑌯𑍇𑌨𑍇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌸𑌂𑌜𑌿॑𑌤𑌾 । 𑌯𑌸𑍍𑌯॑ 𑌦𑍇॒𑌵𑌾 𑌅॑𑌨𑍁𑌸𑌂॒𑌯𑌂𑌤𑌿॒ 𑌚𑍇𑌤𑌃॑ । 𑌅॒𑌰𑍍𑌯॒𑌮𑌾 𑌰𑌾𑌜𑌾॒𑌽𑌜𑌰॒𑌸𑍍𑌤𑍁 𑌵𑌿॑𑌷𑍍𑌮𑌾𑌨𑍍 । 𑌫𑌲𑍍𑌗𑍁॑𑌨𑍀𑌨𑌾𑌮𑍃𑌷॒𑌭𑍋 𑌰𑍋॑𑌰𑌵𑍀𑌤𑌿 ॥ 𑍯 ॥

𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌾𑌨𑌾𑌂᳚ 𑌭𑌗𑌵𑍋 𑌭𑌗𑌾𑌸𑌿 । 𑌤𑌤𑍍𑌤𑍍𑌵𑌾॑ 𑌵𑌿𑌦𑍁𑌃॒ 𑌫𑌲𑍍𑌗𑍁॑𑌨𑍀॒𑌸𑍍𑌤𑌸𑍍𑌯॑ 𑌵𑌿𑌤𑍍𑌤𑌾𑌤𑍍 । 𑌅॒𑌸𑍍𑌮𑌭𑍍𑌯𑌂॑ 𑌕𑍍𑌷॒𑌤𑍍𑌰𑌮॒𑌜𑌰𑌗𑍍-𑌮𑍍॑ 𑌸𑍁॒𑌵𑍀𑌰𑍍𑌯𑌮𑍍᳚ । 𑌗𑍋𑌮॒𑌦𑌶𑍍𑌵॑𑌵॒𑌦𑍁𑌪॒𑌸𑌨𑍍𑌨𑍁॑𑌦𑍇॒𑌹 । 𑌭𑌗𑍋॑𑌹 𑌦𑌾॒𑌤𑌾 𑌭𑌗 𑌇𑌤𑍍𑌪𑍍𑌰॑𑌦𑌾॒𑌤𑌾 । 𑌭𑌗𑍋॑ 𑌦𑍇॒𑌵𑍀𑌃 𑌫𑌲𑍍𑌗𑍁॑𑌨𑍀॒𑌰𑌾𑌵𑌿॑𑌵𑍇𑌶 । 𑌭𑌗॒𑌸𑍍𑌯𑍇𑌤𑍍𑌤𑌂 𑌪𑍍𑌰॑𑌸॒𑌵𑌂 𑌗॑𑌮𑍇𑌮 । 𑌯𑌤𑍍𑌰॑ 𑌦𑍇॒𑌵𑍈𑌸𑍍𑌸॑𑌧॒𑌮𑌾𑌦𑌂॑ 𑌮𑌦𑍇𑌮 । ॥ 10 ॥

𑌆𑌯𑌾॒𑌤𑍁 𑌦𑍇॒𑌵𑌸𑍍𑌸॑𑌵𑌿॒𑌤𑍋𑌪॑𑌯𑌾𑌤𑍁 । 𑌹𑌿॒𑌰॒𑌣𑍍𑌯𑌯𑍇॑𑌨 𑌸𑍁॒𑌵𑍃𑌤𑌾॒ 𑌰𑌥𑍇॑𑌨 । 𑌵𑌹॒𑌨𑍍॒, 𑌹𑌸𑍍𑌤𑌗𑍍-𑌮𑍍॑ 𑌸𑍁𑌭𑌗𑍍-𑌮𑍍॑ 𑌵𑌿𑌦𑍍𑌮॒𑌨𑌾𑌪॑𑌸𑌮𑍍 । 𑌪𑍍𑌰𑌯𑌚𑍍𑌛𑌂॑𑌤𑌂॒ 𑌪𑌪𑍁॑𑌰𑌿𑌂॒ 𑌪𑍁𑌣𑍍𑌯॒𑌮𑌚𑍍𑌛॑ । 𑌹𑌸𑍍𑌤𑌃॒ 𑌪𑍍𑌰𑌯॑𑌚𑍍𑌛 𑌤𑍍𑌵॒𑌮𑍃𑌤𑌂॒ 𑌵𑌸𑍀॑𑌯𑌃 । 𑌦𑌕𑍍𑌷𑌿॑𑌣𑍇𑌨॒ 𑌪𑍍𑌰𑌤𑌿॑𑌗𑍃𑌭𑍍𑌣𑍀𑌮 𑌏𑌨𑌤𑍍 । 𑌦𑌾॒𑌤𑌾𑌰॑𑌮॒𑌦𑍍𑌯 𑌸॑𑌵𑌿॒𑌤𑌾 𑌵𑌿॑𑌦𑍇𑌯 । 𑌯𑍋 𑌨𑍋॒ 𑌹𑌸𑍍𑌤𑌾॑𑌯 𑌪𑍍𑌰𑌸𑍁॒𑌵𑌾𑌤𑌿॑ 𑌯॒𑌜𑍍𑌞𑌮𑍍 ॥11 ॥

𑌤𑍍𑌵𑌷𑍍𑌟𑌾॒ 𑌨𑌕𑍍𑌷॑𑌤𑍍𑌰𑌮॒𑌭𑍍𑌯𑍇॑𑌤𑌿 𑌚𑌿॒𑌤𑍍𑌰𑌾𑌮𑍍 । 𑌸𑍁॒𑌭𑌗𑍍-𑌮𑍍 𑌸॑𑌸𑌂𑌯𑍁𑌵॒𑌤𑌿𑌗𑍍-𑌮𑍍 𑌰𑌾𑌚॑𑌮𑌾𑌨𑌾𑌮𑍍 । 𑌨𑌿॒𑌵𑍇॒𑌶𑌯॑𑌨𑍍𑌨॒𑌮𑍃𑌤𑌾॒𑌨𑍍𑌮𑌰𑍍𑌤𑍍𑌯𑌾𑌗𑍍॑𑌶𑍍𑌚 । 𑌰𑍂॒𑌪𑌾𑌣𑌿॑ 𑌪𑌿॒𑌗𑍍-𑌮𑍍॒𑌶𑌨𑍍 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌤𑌨𑍍𑌨॒𑌸𑍍𑌤𑍍𑌵𑌷𑍍𑌟𑌾॒ 𑌤𑌦𑍁॑ 𑌚𑌿॒𑌤𑍍𑌰𑌾 𑌵𑌿𑌚॑𑌷𑍍𑌟𑌾𑌮𑍍 । 𑌤𑌨𑍍𑌨𑌕𑍍𑌷॑𑌤𑍍𑌰𑌂 𑌭𑍂𑌰𑌿॒𑌦𑌾 𑌅॑𑌸𑍍𑌤𑍁॒ 𑌮𑌹𑍍𑌯𑌮𑍍᳚ । 𑌤𑌨𑍍𑌨𑌃॑ 𑌪𑍍𑌰॒𑌜𑌾𑌂 𑌵𑍀॒𑌰𑌵॑𑌤𑍀𑌗𑍍-𑌮𑍍 𑌸𑌨𑍋𑌤𑍁 । 𑌗𑍋𑌭𑌿॑𑌰𑍍𑌨𑍋॒ 𑌅𑌶𑍍𑌵𑍈॒𑌸𑍍𑌸𑌮॑𑌨𑌕𑍍𑌤𑍁 𑌯𑌜𑍍𑌞𑌮𑍍 ॥ 12 ॥

𑌵𑌾॒𑌯𑍁𑌰𑍍𑌨𑌕𑍍𑌷॑𑌤𑍍𑌰𑌮॒𑌭𑍍𑌯𑍇॑𑌤𑌿॒ 𑌨𑌿𑌷𑍍𑌟𑍍𑌯𑌾᳚𑌮𑍍 । 𑌤𑌿॒𑌗𑍍𑌮𑌶𑍃𑌂॑𑌗𑍋 𑌵𑍃𑌷॒𑌭𑍋 𑌰𑍋𑌰𑍁॑𑌵𑌾𑌣𑌃 । 𑌸॒𑌮𑍀॒𑌰𑌯॒𑌨𑍍 𑌭𑍁𑌵॑𑌨𑌾 𑌮𑌾𑌤॒𑌰𑌿𑌶𑍍𑌵𑌾᳚ । 𑌅𑌪॒ 𑌦𑍍𑌵𑍇𑌷𑌾𑌗𑍍-𑌮𑍍॑𑌸𑌿 𑌨𑍁𑌦𑌤𑌾॒𑌮𑌰𑌾॑𑌤𑍀𑌃 । 𑌤𑌨𑍍𑌨𑍋॑ 𑌵𑌾॒𑌯𑌸𑍍𑌤𑌦𑍁॒ 𑌨𑌿𑌷𑍍𑌟𑍍𑌯𑌾॑ 𑌶𑍃𑌣𑍋𑌤𑍁 । 𑌤𑌨𑍍𑌨𑌕𑍍𑌷॑𑌤𑍍𑌰𑌂 𑌭𑍂𑌰𑌿॒𑌦𑌾 𑌅॑𑌸𑍍𑌤𑍁॒ 𑌮𑌹𑍍𑌯𑌮𑍍᳚ । 𑌤𑌨𑍍𑌨𑍋॑ 𑌦𑍇॒𑌵𑌾𑌸𑍋॒ 𑌅𑌨𑍁॑𑌜𑌾𑌨𑌂𑌤𑍁॒ 𑌕𑌾𑌮𑌮𑍍᳚ । 𑌯𑌥𑌾॒ 𑌤𑌰𑍇॑𑌮 𑌦𑍁𑌰𑌿॒𑌤𑌾𑌨𑌿॒ 𑌵𑌿𑌶𑍍𑌵𑌾᳚ ॥ 13 ॥

𑌦𑍂॒𑌰𑌮॒𑌸𑍍𑌮𑌚𑍍𑌛𑌤𑍍𑌰॑𑌵𑍋 𑌯𑌂𑌤𑍁 𑌭𑍀॒𑌤𑌾𑌃 । 𑌤𑌦𑌿𑌂॑𑌦𑍍𑌰𑌾॒𑌗𑍍𑌨𑍀 𑌕𑍃॑𑌣𑍁𑌤𑌾𑌂॒ 𑌤𑌦𑍍𑌵𑌿𑌶𑌾॑𑌖𑍇 । 𑌤𑌨𑍍𑌨𑍋॑ 𑌦𑍇॒𑌵𑌾 𑌅𑌨𑍁॑𑌮𑌦𑌂𑌤𑍁 𑌯॒𑌜𑍍𑌞𑌮𑍍 । 𑌪॒𑌶𑍍𑌚𑌾𑌤𑍍 𑌪𑍁॒𑌰𑌸𑍍𑌤𑌾॒𑌦𑌭॑𑌯𑌨𑍍𑌨𑍋 𑌅𑌸𑍍𑌤𑍁 । 𑌨𑌕𑍍𑌷॑𑌤𑍍𑌰𑌾𑌣𑌾॒𑌮𑌧𑌿॑𑌪𑌤𑍍𑌨𑍀॒ 𑌵𑌿𑌶𑌾॑𑌖𑍇 । 𑌶𑍍𑌰𑍇𑌷𑍍𑌠𑌾॑𑌵𑌿𑌂𑌦𑍍𑌰𑌾॒𑌗𑍍𑌨𑍀 𑌭𑍁𑌵॑𑌨𑌸𑍍𑌯 𑌗𑍋॒𑌪𑍌 । 𑌵𑌿𑌷𑍂॑𑌚॒𑌶𑍍𑌶𑌤𑍍𑌰𑍂॑𑌨𑌪॒𑌬𑌾𑌧॑𑌮𑌾𑌨𑍌 । 𑌅𑌪॒𑌕𑍍𑌷𑍁𑌧॑𑌨𑍍𑌨𑍁𑌦𑌤𑌾॒𑌮𑌰𑌾॑𑌤𑌿𑌮𑍍 । ॥ 14 ॥

𑌪𑍂॒𑌰𑍍𑌣𑌾 𑌪॒𑌶𑍍𑌚𑌾𑌦𑍁॒𑌤 𑌪𑍂॒𑌰𑍍𑌣𑌾 𑌪𑍁॒𑌰𑌸𑍍𑌤𑌾᳚𑌤𑍍 । 𑌉𑌨𑍍𑌮॑𑌧𑍍𑌯॒𑌤𑌃 𑌪𑍌᳚𑌰𑍍𑌣𑌮𑌾॒𑌸𑍀 𑌜𑌿॑𑌗𑌾𑌯 । 𑌤𑌸𑍍𑌯𑌾𑌂᳚ 𑌦𑍇॒𑌵𑌾 𑌅𑌧𑌿॑𑌸𑌂॒𑌵𑌸𑌂॑𑌤𑌃 । 𑌉॒𑌤𑍍𑌤॒𑌮𑍇 𑌨𑌾𑌕॑ 𑌇॒𑌹 𑌮𑌾॑𑌦𑌯𑌂𑌤𑌾𑌮𑍍 । 𑌪𑍃॒𑌥𑍍𑌵𑍀 𑌸𑍁॒𑌵𑌰𑍍𑌚𑌾॑ 𑌯𑍁𑌵॒𑌤𑌿𑌃 𑌸॒𑌜𑍋𑌷𑌾𑌃᳚ । 𑌪𑍌॒𑌰𑍍𑌣॒𑌮𑌾॒𑌸𑍍𑌯𑍁𑌦॑𑌗𑌾॒𑌚𑍍𑌛𑍋𑌭॑𑌮𑌾𑌨𑌾 । 𑌆॒𑌪𑍍𑌯𑌾॒𑌯𑌯𑌂॑𑌤𑍀 𑌦𑍁𑌰𑌿॒𑌤𑌾𑌨𑌿॒ 𑌵𑌿𑌶𑍍𑌵𑌾᳚ । 𑌉॒𑌰𑍁𑌂 𑌦𑍁𑌹𑌾𑌂॒ 𑌯𑌜॑𑌮𑌾𑌨𑌾𑌯 𑌯॒𑌜𑍍𑌞𑌮𑍍 ।

𑌋॒𑌦𑍍𑌧𑍍𑌯𑌾𑌸𑍍𑌮॑ 𑌹॒𑌵𑍍𑌯𑍈𑌰𑍍𑌨𑌮॑𑌸𑍋𑌪॒𑌸𑌦𑍍𑌯॑ । 𑌮𑌿॒𑌤𑍍𑌰𑌂 𑌦𑍇॒𑌵𑌂 𑌮𑌿॑𑌤𑍍𑌰॒𑌧𑍇𑌯𑌂॑ 𑌨𑍋 𑌅𑌸𑍍𑌤𑍁 । 𑌅॒𑌨𑍂॒𑌰𑌾॒𑌧𑌾𑌨𑍍, 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑌃 । 𑌶॒𑌤𑌂 𑌜𑍀॑𑌵𑍇𑌮॒ 𑌶॒𑌰𑌦𑌃॒ 𑌸𑌵𑍀॑𑌰𑌾𑌃 । 𑌚𑌿॒𑌤𑍍𑌰𑌂 𑌨𑌕𑍍𑌷॑𑌤𑍍𑌰॒𑌮𑍁𑌦॑𑌗𑌾𑌤𑍍𑌪𑍁॒𑌰𑌸𑍍𑌤𑌾᳚𑌤𑍍 । 𑌅॒𑌨𑍂॒𑌰𑌾॒𑌧𑌾 𑌸॒ 𑌇𑌤𑌿॒ 𑌯𑌦𑍍𑌵𑌦॑𑌂𑌤𑌿 । 𑌤𑌨𑍍𑌮𑌿॒𑌤𑍍𑌰 𑌏॑𑌤𑌿 𑌪॒𑌥𑌿𑌭𑌿॑𑌰𑍍𑌦𑍇𑌵॒𑌯𑌾𑌨𑍈𑌃᳚ । 𑌹𑌿॒𑌰॒𑌣𑍍𑌯𑌯𑍈॒𑌰𑍍𑌵𑌿𑌤॑𑌤𑍈𑌰𑌂॒𑌤𑌰𑌿॑𑌕𑍍𑌷𑍇 ॥ 16 ॥

𑌇𑌂𑌦𑍍𑌰𑍋᳚ 𑌜𑍍𑌯𑍇॒𑌷𑍍𑌠𑌾𑌮𑌨𑍁॒ 𑌨𑌕𑍍𑌷॑𑌤𑍍𑌰𑌮𑍇𑌤𑌿 । 𑌯𑌸𑍍𑌮𑌿॑𑌨𑍍 𑌵𑍃॒𑌤𑍍𑌰𑌂 𑌵𑍃॑𑌤𑍍𑌰॒ 𑌤𑍂𑌰𑍍𑌯𑍇॑ 𑌤॒𑌤𑌾𑌰॑ । 𑌤𑌸𑍍𑌮𑌿॑𑌨𑍍𑌵॒𑌯-𑌮॒𑌮𑍃𑌤𑌂॒ 𑌦𑍁𑌹𑌾॑𑌨𑌾𑌃 । 𑌕𑍍𑌷𑍁𑌧𑌂॑𑌤𑌰𑍇𑌮॒ 𑌦𑍁𑌰𑌿॑𑌤𑌿𑌂॒ 𑌦𑍁𑌰𑌿॑𑌷𑍍𑌟𑌿𑌮𑍍 । 𑌪𑍁॒𑌰॒𑌂𑌦॒𑌰𑌾𑌯॑ 𑌵𑍃𑌷॒𑌭𑌾𑌯॑ 𑌧𑍃॒𑌷𑍍𑌣𑌵𑍇᳚ । 𑌅𑌷𑌾॑𑌢𑌾𑌯॒ 𑌸𑌹॑𑌮𑌾𑌨𑌾𑌯 𑌮𑍀॒𑌢𑍁𑌷𑍇᳚ । 𑌇𑌂𑌦𑍍𑌰𑌾॑𑌯 𑌜𑍍𑌯𑍇॒𑌷𑍍𑌠𑌾 𑌮𑌧𑍁॑𑌮॒𑌦𑍍𑌦𑍁𑌹𑌾॑𑌨𑌾 । 𑌉॒𑌰𑍁𑌂 𑌕𑍃॑𑌣𑍋𑌤𑍁॒ 𑌯𑌜॑𑌮𑌾𑌨𑌾𑌯 𑌲𑍋॒𑌕𑌮𑍍 । ॥ 1𑍭 ॥

𑌮𑍂𑌲𑌂॑ 𑌪𑍍𑌰॒𑌜𑌾𑌂 𑌵𑍀॒𑌰𑌵॑𑌤𑍀𑌂 𑌵𑌿𑌦𑍇𑌯 । 𑌪𑌰𑌾᳚𑌚𑍍𑌯𑍇𑌤𑍁॒ 𑌨𑌿𑌰𑍃॑𑌤𑌿𑌃 𑌪𑌰𑌾॒𑌚𑌾 । 𑌗𑍋𑌭𑌿॒𑌰𑍍𑌨𑌕𑍍𑌷॑𑌤𑍍𑌰𑌂 𑌪॒𑌶𑍁𑌭𑌿॒𑌸𑍍𑌸𑌮॑𑌕𑍍𑌤𑌮𑍍 । 𑌅𑌹॑𑌰𑍍𑌭𑍂𑌯𑌾॒𑌦𑍍𑌯𑌜॑𑌮𑌾𑌨𑌾𑌯॒ 𑌮𑌹𑍍𑌯𑌮𑍍᳚ । 𑌅𑌹॑𑌰𑍍𑌨𑍋 𑌅॒𑌦𑍍𑌯 𑌸𑍁॑𑌵𑌿॒𑌤𑍇 𑌦॑𑌦𑌾𑌤𑍁 । 𑌮𑍂𑌲𑌂॒ 𑌨𑌕𑍍𑌷॑𑌤𑍍𑌰॒𑌮𑌿𑌤𑌿॒ 𑌯𑌦𑍍𑌵𑌦॑𑌂𑌤𑌿 । 𑌪𑌰𑌾॑𑌚𑍀𑌂 𑌵𑌾॒𑌚𑌾 𑌨𑌿𑌰𑍃॑𑌤𑌿𑌂 𑌨𑍁𑌦𑌾𑌮𑌿 । 𑌶𑌿॒𑌵𑌂 𑌪𑍍𑌰॒𑌜𑌾𑌯𑍈॑ 𑌶𑌿॒𑌵𑌮॑𑌸𑍍𑌤𑍁॒ 𑌮𑌹𑍍𑌯𑌮𑍍᳚ ॥ 1𑍮 ॥

𑌯𑌾 𑌦𑌿॒𑌵𑍍𑌯𑌾 𑌆𑌪𑌃॒ 𑌪𑌯॑𑌸𑌾 𑌸𑌂𑌬𑌭𑍂॒𑌵𑍁𑌃 । 𑌯𑌾 𑌅𑌂॒𑌤𑌰𑌿॑𑌕𑍍𑌷 𑌉॒𑌤 𑌪𑌾𑌰𑍍𑌥𑌿॑𑌵𑍀॒𑌰𑍍𑌯𑌾𑌃 । 𑌯𑌾𑌸𑌾॑𑌮𑌷𑌾॒𑌢𑌾 𑌅॑𑌨𑍁॒𑌯𑌂𑌤𑌿॒ 𑌕𑌾𑌮𑌮𑍍᳚ । 𑌤𑌾 𑌨॒ 𑌆𑌪𑌃॒ 𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌂𑌤𑍁 । 𑌯𑌾𑌶𑍍𑌚॒ 𑌕𑍂𑌪𑍍𑌯𑌾॒ 𑌯𑌾𑌶𑍍𑌚॑ 𑌨𑌾॒𑌦𑍍𑌯𑌾᳚𑌸𑍍𑌸𑌮𑍁॒𑌦𑍍𑌰𑌿𑌯𑌾𑌃᳚ । 𑌯𑌾𑌶𑍍𑌚॑ 𑌵𑍈𑌶॒𑌂𑌤𑍀𑌰𑍁𑌤 𑌪𑍍𑌰𑌾॑𑌸॒𑌚𑍀𑌰𑍍𑌯𑌾𑌃 । 𑌯𑌾𑌸𑌾॑𑌮𑌷𑌾॒𑌢𑌾 𑌮𑌧𑍁॑ 𑌭॒𑌕𑍍𑌷𑌯॑𑌂𑌤𑌿 । 𑌤𑌾 𑌨॒ 𑌆𑌪𑌃॒ 𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌂𑌤𑍁 ॥1𑍯 ॥

𑌤𑌨𑍍𑌨𑍋॒ 𑌵𑌿𑌶𑍍𑌵𑍇॒ 𑌉𑌪॑ 𑌶𑍃𑌣𑍍𑌵𑌂𑌤𑍁 𑌦𑍇॒𑌵𑌾𑌃 । 𑌤𑌦॑𑌷𑌾॒𑌢𑌾 𑌅॒𑌭𑌿𑌸𑌂𑌯𑌂॑𑌤𑍁 𑌯॒𑌜𑍍𑌞𑌮𑍍 । 𑌤𑌨𑍍𑌨𑌕𑍍𑌷॑𑌤𑍍𑌰𑌂 𑌪𑍍𑌰𑌥𑌤𑌾𑌂 𑌪॒𑌶𑍁𑌭𑍍𑌯𑌃॑ । 𑌕𑍃॒𑌷𑌿𑌰𑍍𑌵𑍃॒𑌷𑍍𑌟𑌿𑌰𑍍𑌯𑌜॑𑌮𑌾𑌨𑌾𑌯 𑌕𑌲𑍍𑌪𑌤𑌾𑌮𑍍 । 𑌶𑍁॒𑌭𑍍𑌰𑌾𑌃 𑌕॒𑌨𑍍𑌯𑌾॑ 𑌯𑍁𑌵॒𑌤𑌯॑𑌸𑍍𑌸𑍁॒𑌪𑍇𑌶॑𑌸𑌃 । 𑌕॒𑌰𑍍𑌮॒𑌕𑍃𑌤॑𑌸𑍍𑌸𑍁॒𑌕𑍃𑌤𑍋॑ 𑌵𑍀॒𑌰𑍍𑌯𑌾॑𑌵𑌤𑍀𑌃 । 𑌵𑌿𑌶𑍍𑌵𑌾᳚𑌨𑍍 𑌦𑍇॒𑌵𑌾𑌨𑍍, 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑍀𑌃 । 𑌅॒𑌷𑌾॒𑌢𑌾𑌃 𑌕𑌾𑌮॒𑌮𑍁𑌪𑌾॑𑌯𑌂𑌤𑍁 𑌯॒𑌜𑍍𑌞𑌮𑍍 ॥ 20 ॥

𑌯𑌸𑍍𑌮𑌿॒𑌨𑍍 𑌬𑍍𑌰𑌹𑍍𑌮𑌾॒𑌭𑍍𑌯𑌜॑𑌯॒𑌤𑍍𑌸𑌰𑍍𑌵॑𑌮𑍇॒𑌤𑌤𑍍 । 𑌅॒𑌮𑍁𑌂𑌚॑ 𑌲𑍋॒𑌕𑌮𑌿॒𑌦𑌮𑍂॑𑌚॒ 𑌸𑌰𑍍𑌵𑌮𑍍᳚ । 𑌤𑌨𑍍𑌨𑍋॒ 𑌨𑌕𑍍𑌷॑𑌤𑍍𑌰𑌮𑌭𑌿॒𑌜𑌿𑌦𑍍𑌵𑌿॒𑌜𑌿𑌤𑍍𑌯॑ । 𑌶𑍍𑌰𑌿𑌯𑌂॑ 𑌦𑌧𑌾॒𑌤𑍍𑌵𑌹𑍃॑𑌣𑍀𑌯𑌮𑌾𑌨𑌮𑍍 । 𑌉॒𑌭𑍌 𑌲𑍋॒𑌕𑍌 𑌬𑍍𑌰𑌹𑍍𑌮॑𑌣𑌾॒ 𑌸𑌂𑌜𑌿॑𑌤𑍇॒𑌮𑍌 । 𑌤𑌨𑍍𑌨𑍋॒ 𑌨𑌕𑍍𑌷॑𑌤𑍍𑌰𑌮𑌭𑌿॒𑌜𑌿𑌦𑍍𑌵𑌿𑌚॑𑌷𑍍𑌟𑌾𑌮𑍍 । 𑌤𑌸𑍍𑌮𑌿॑𑌨𑍍𑌵॒𑌯𑌂 𑌪𑍃𑌤॑𑌨𑌾॒𑌸𑍍𑌸𑌂𑌜॑𑌯𑍇𑌮 । 𑌤𑌨𑍍𑌨𑍋॑ 𑌦𑍇॒𑌵𑌾𑌸𑍋॒ 𑌅𑌨𑍁॑𑌜𑌾𑌨𑌂𑌤𑍁॒ 𑌕𑌾𑌮𑌮𑍍᳚ ॥ 21 ॥

𑌶𑍃॒𑌣𑍍𑌵𑌂𑌤𑌿॑ 𑌶𑍍𑌰𑍋॒𑌣𑌾𑌮॒𑌮𑍃𑌤॑𑌸𑍍𑌯 𑌗𑍋॒𑌪𑌾𑌮𑍍 । 𑌪𑍁𑌣𑍍𑌯𑌾॑𑌮𑌸𑍍𑌯𑌾॒ 𑌉𑌪॑𑌶𑍃𑌣𑍋𑌮𑌿॒ 𑌵𑌾𑌚𑌮𑍍᳚ । 𑌮॒𑌹𑍀𑌂 𑌦𑍇॒𑌵𑍀𑌂 𑌵𑌿𑌷𑍍𑌣𑍁॑𑌪𑌤𑍍𑌨𑍀𑌮𑌜𑍂॒𑌰𑍍𑌯𑌾𑌮𑍍 । 𑌪𑍍𑌰॒𑌤𑍀𑌚𑍀॑ 𑌮𑍇𑌨𑌾𑌗𑍍-𑌮𑍍 𑌹॒𑌵𑌿𑌷𑌾॑ 𑌯𑌜𑌾𑌮𑌃 । 𑌤𑍍𑌰𑍇॒𑌧𑌾 𑌵𑌿𑌷𑍍𑌣𑍁॑𑌰𑍁𑌰𑍁𑌗𑌾॒𑌯𑍋 𑌵𑌿𑌚॑𑌕𑍍𑌰𑌮𑍇 । 𑌮॒𑌹𑍀𑌂 𑌦𑌿𑌵𑌂॑ 𑌪𑍃𑌥𑌿॒𑌵𑍀𑌮𑌂॒𑌤𑌰𑌿॑𑌕𑍍𑌷𑌮𑍍 । 𑌤𑌚𑍍𑌛𑍍𑌰𑍋॒𑌣𑍈𑌤𑌿॒𑌶𑍍𑌰𑌵॑-𑌇॒𑌚𑍍𑌛𑌮𑌾॑𑌨𑌾 । 𑌪𑍁𑌣𑍍𑌯॒𑌗𑍍𑌗𑍍॒ 𑌶𑍍𑌲𑍋𑌕𑌂॒ 𑌯𑌜॑𑌮𑌾𑌨𑌾𑌯 𑌕𑍃𑌣𑍍𑌵॒𑌤𑍀 ॥ 22 ॥

𑌅॒𑌷𑍍𑌟𑍌 𑌦𑍇॒𑌵𑌾 𑌵𑌸॑𑌵𑌸𑍍𑌸𑍋॒𑌮𑍍𑌯𑌾𑌸𑌃॑ । 𑌚𑌤॑𑌸𑍍𑌰𑍋 𑌦𑍇॒𑌵𑍀𑌰॒𑌜𑌰𑌾𑌃॒ 𑌶𑍍𑌰𑌵𑌿॑𑌷𑍍𑌠𑌾𑌃 । 𑌤𑍇 𑌯॒𑌜𑍍𑌞𑌂 𑌪𑌾𑌂᳚𑌤𑍁॒ 𑌰𑌜॑𑌸𑌃 𑌪𑍁॒𑌰𑌸𑍍𑌤𑌾᳚𑌤𑍍 । 𑌸𑌂॒𑌵॒𑌤𑍍𑌸॒𑌰𑍀𑌣॑𑌮॒𑌮𑍃𑌤𑌗𑍍𑌗𑍍॑ 𑌸𑍍𑌵॒𑌸𑍍𑌤𑌿 । 𑌯॒𑌜𑍍𑌞𑌂 𑌨𑌃॑ 𑌪𑌾𑌂𑌤𑍁॒ 𑌵𑌸॑𑌵𑌃 𑌪𑍁॒𑌰𑌸𑍍𑌤𑌾᳚𑌤𑍍 । 𑌦॒𑌕𑍍𑌷𑌿॒𑌣॒𑌤𑍋॑𑌽𑌭𑌿𑌯॑𑌂𑌤𑍁॒ 𑌶𑍍𑌰𑌵𑌿॑𑌷𑍍𑌠𑌾𑌃 । 𑌪𑍁𑌣𑍍𑌯॒𑌨𑍍𑌨𑌕𑍍𑌷॑𑌤𑍍𑌰𑌮॒𑌭𑌿 𑌸𑌂𑌵𑌿॑𑌶𑌾𑌮 । 𑌮𑌾 𑌨𑍋॒ 𑌅𑌰𑌾॑𑌤𑌿𑌰॒𑌘𑌶॒𑌗𑍍-𑌮𑍍॒𑌸𑌾𑌽𑌗𑌨𑍍𑌨𑍍॑ ॥ 23 ॥

𑌕𑍍𑌷॒𑌤𑍍𑌰𑌸𑍍𑌯॒ 𑌰𑌾𑌜𑌾॒ 𑌵𑌰𑍁॑𑌣𑍋𑌽𑌧𑌿𑌰𑌾॒𑌜𑌃 । 𑌨𑌕𑍍𑌷॑𑌤𑍍𑌰𑌾𑌣𑌾𑌗𑍍-𑌮𑍍 𑌶॒𑌤𑌭𑌿॑𑌷॒𑌗𑍍𑌵𑌸𑌿॑𑌷𑍍𑌠𑌃 । 𑌤𑍌 𑌦𑍇॒𑌵𑍇𑌭𑍍𑌯𑌃॑ 𑌕𑍃𑌣𑍁𑌤𑍋 𑌦𑍀॒𑌰𑍍𑌘𑌮𑌾𑌯𑍁𑌃॑ । 𑌶॒𑌤𑌗𑍍-𑌮𑍍 𑌸॒𑌹𑌸𑍍𑌰𑌾॑ 𑌭𑍇𑌷॒𑌜𑌾𑌨𑌿॑ 𑌧𑌤𑍍𑌤𑌃 । 𑌯॒𑌜𑍍𑌞𑌨𑍍𑌨𑍋॒ 𑌰𑌾𑌜𑌾॒ 𑌵𑌰𑍁॑𑌣॒ 𑌉𑌪॑𑌯𑌾𑌤𑍁 । 𑌤𑌨𑍍𑌨𑍋॒ 𑌵𑌿𑌶𑍍𑌵𑍇॑ 𑌅॒𑌭𑌿 𑌸𑌂𑌯॑𑌂𑌤𑍁 𑌦𑍇॒𑌵𑌾𑌃 । 𑌤𑌨𑍍𑌨𑍋॒ 𑌨𑌕𑍍𑌷॑𑌤𑍍𑌰𑌗𑍍-𑌮𑍍 𑌶॒𑌤𑌭𑌿॑𑌷𑌗𑍍𑌜𑍁𑌷𑌾॒𑌣𑌮𑍍 । 𑌦𑍀॒𑌰𑍍𑌘𑌮𑌾𑌯𑍁𑌃॒ 𑌪𑍍𑌰𑌤𑌿॑𑌰𑌦𑍍𑌭𑍇𑌷॒𑌜𑌾𑌨𑌿॑ ॥ 24 ॥

𑌅॒𑌜 𑌏𑌕॑𑌪𑌾॒𑌦𑍁𑌦॑𑌗𑌾𑌤𑍍𑌪𑍁॒𑌰𑌸𑍍𑌤𑌾᳚𑌤𑍍 । 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ 𑌪𑍍𑌰𑌤𑌿॒ 𑌮𑍋𑌦॑𑌮𑌾𑌨𑌃 । 𑌤𑌸𑍍𑌯॑ 𑌦𑍇॒𑌵𑌾𑌃 𑌪𑍍𑌰॑𑌸॒𑌵𑌂 𑌯𑌂॑𑌤𑌿॒ 𑌸𑌰𑍍𑌵𑍇᳚ । 𑌪𑍍𑌰𑍋॒𑌷𑍍𑌠॒𑌪॒𑌦𑌾𑌸𑍋॑ 𑌅॒𑌮𑍃𑌤॑𑌸𑍍𑌯 𑌗𑍋॒𑌪𑌾𑌃 । 𑌵𑌿॒𑌭𑍍𑌰𑌾𑌜॑𑌮𑌾𑌨𑌸𑍍𑌸𑌮𑌿𑌧𑌾॒ 𑌨 𑌉॒𑌗𑍍𑌰𑌃 । 𑌆𑌽𑌂𑌤𑌰𑌿॑𑌕𑍍𑌷𑌮𑌰𑍁𑌹॒𑌦𑌗॒𑌂𑌦𑍍𑌯𑌾𑌮𑍍 । 𑌤𑌗𑍍-𑌮𑍍 𑌸𑍂𑌰𑍍𑌯𑌂॑ 𑌦𑍇॒𑌵𑌮॒𑌜𑌮𑍇𑌕॑𑌪𑌾𑌦𑌮𑍍 । 𑌪𑍍𑌰𑍋॒𑌷𑍍𑌠॒𑌪॒𑌦𑌾𑌸𑍋॒ 𑌅𑌨𑍁॑𑌯𑌂𑌤𑌿॒ 𑌸𑌰𑍍𑌵𑍇᳚ ॥ 25 ॥

𑌅𑌹𑌿॑𑌰𑍍𑌬𑍁॒𑌧𑍍𑌨𑌿𑌯𑌃॒ 𑌪𑍍𑌰𑌥॑𑌮𑌾 𑌨 𑌏𑌤𑌿 । 𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌾𑌨𑌾॑𑌮𑍁॒𑌤 𑌮𑌾𑌨𑍁॑𑌷𑌾𑌣𑌾𑌮𑍍 । 𑌤𑌂 𑌬𑍍𑌰𑌾᳚𑌹𑍍𑌮॒𑌣𑌾𑌸𑍍𑌸𑍋॑𑌮॒𑌪𑌾𑌸𑍍𑌸𑍋॒𑌮𑍍𑌯𑌾𑌸𑌃॑ । 𑌪𑍍𑌰𑍋॒𑌷𑍍𑌠॒𑌪॒𑌦𑌾𑌸𑍋॑ 𑌅॒𑌭𑌿𑌰॑𑌕𑍍𑌷𑌂𑌤𑌿॒ 𑌸𑌰𑍍𑌵𑍇᳚ । 𑌚॒𑌤𑍍𑌵𑌾𑌰॒ 𑌏𑌕॑𑌮॒𑌭𑌿 𑌕𑌰𑍍𑌮॑ 𑌦𑍇॒𑌵𑌾𑌃 । 𑌪𑍍𑌰𑍋॒𑌷𑍍𑌠॒𑌪॒𑌦𑌾 𑌸॒ 𑌇𑌤𑌿॒ 𑌯𑌾𑌨𑍍, 𑌵𑌦॑𑌂𑌤𑌿 । 𑌤𑍇 𑌬𑍁॒𑌧𑍍𑌨𑌿𑌯𑌂॑ 𑌪𑌰𑌿॒𑌷𑌦𑍍𑌯𑌗𑍍𑌗𑍍॑ 𑌸𑍍𑌤𑍁॒𑌵𑌂𑌤𑌃॑ । 𑌅𑌹𑌿𑌗𑍍-𑌮𑍍॑ 𑌰𑌕𑍍𑌷𑌂𑌤𑌿॒ 𑌨𑌮॑𑌸𑍋𑌪॒𑌸𑌦𑍍𑌯॑ ॥ 26 ॥

𑌪𑍂॒𑌷𑌾 𑌰𑍇॒𑌵𑌤𑍍𑌯𑌨𑍍𑌵𑍇॑𑌤𑌿॒ 𑌪𑌂𑌥𑌾᳚𑌮𑍍 । 𑌪𑍁॒𑌷𑍍𑌟𑌿॒𑌪𑌤𑍀॑ 𑌪𑌶𑍁॒𑌪𑌾 𑌵𑌾𑌜॑𑌬𑌸𑍍𑌤𑍍𑌯𑍌 । 𑌇॒𑌮𑌾𑌨𑌿॑ 𑌹॒𑌵𑍍𑌯𑌾 𑌪𑍍𑌰𑌯॑𑌤𑌾 𑌜𑍁𑌷𑌾॒𑌣𑌾 । 𑌸𑍁॒𑌗𑍈𑌰𑍍𑌨𑍋॒ 𑌯𑌾𑌨𑍈॒𑌰𑍁𑌪॑𑌯𑌾𑌤𑌾𑌂 𑌯॒𑌜𑍍𑌞𑌮𑍍 । 𑌕𑍍𑌷𑍁॒𑌦𑍍𑌰𑌾𑌨𑍍 𑌪॒𑌶𑍂𑌨𑍍 𑌰॑𑌕𑍍𑌷𑌤𑍁 𑌰𑍇॒𑌵𑌤𑍀॑ 𑌨𑌃 । 𑌗𑌾𑌵𑍋॑ 𑌨𑍋॒ 𑌅𑌶𑍍𑌵𑌾॒𑌗𑍍-𑌮𑍍॒ 𑌅𑌨𑍍𑌵𑍇॑𑌤𑍁 𑌪𑍂॒𑌷𑌾 । 𑌅𑌨𑍍𑌨॒𑌗𑍍-𑌮𑍍॒ 𑌰𑌕𑍍𑌷𑌂॑𑌤𑍌 𑌬𑌹𑍁॒𑌧𑌾 𑌵𑌿𑌰𑍂॑𑌪𑌮𑍍 । 𑌵𑌾𑌜𑌗𑍍-𑌮𑍍॑ 𑌸𑌨𑍁𑌤𑌾𑌂॒ 𑌯𑌜॑𑌮𑌾𑌨𑌾𑌯 𑌯॒𑌜𑍍𑌞𑌮𑍍 ॥ 2𑍭 ॥

𑌤𑌦॒𑌶𑍍𑌵𑌿𑌨𑌾॑𑌵𑌶𑍍𑌵॒𑌯𑍁𑌜𑍋𑌪॑𑌯𑌾𑌤𑌾𑌮𑍍 । 𑌶𑍁𑌭𑌂॒𑌗𑌮𑌿॑𑌷𑍍𑌠𑍌 𑌸𑍁॒𑌯𑌮𑍇॑𑌭𑌿॒𑌰𑌶𑍍𑌵𑍈𑌃᳚ । 𑌸𑍍𑌵𑌂 𑌨𑌕𑍍𑌷॑𑌤𑍍𑌰𑌗𑍍-𑌮𑍍 𑌹॒𑌵𑌿𑌷𑌾॒ 𑌯𑌜𑌂॑𑌤𑍌 । 𑌮𑌧𑍍𑌵𑌾॒𑌸𑌂𑌪𑍃॑𑌕𑍍𑌤𑍌॒ 𑌯𑌜𑍁॑𑌷𑌾॒ 𑌸𑌮॑𑌕𑍍𑌤𑍌 । 𑌯𑍌 𑌦𑍇॒𑌵𑌾𑌨𑌾𑌂᳚ 𑌭𑌿॒𑌷𑌜𑍌᳚ 𑌹𑌵𑍍𑌯𑌵𑌾॒𑌹𑍌 । 𑌵𑌿𑌶𑍍𑌵॑𑌸𑍍𑌯 𑌦𑍂॒𑌤𑌾𑌵॒𑌮𑍃𑌤॑𑌸𑍍𑌯 𑌗𑍋॒𑌪𑍌 । 𑌤𑍌 𑌨𑌕𑍍𑌷॒𑌤𑍍𑌰𑌂 𑌜𑍁𑌜𑍁𑌷𑌾॒𑌣𑍋𑌪॑𑌯𑌾𑌤𑌾𑌮𑍍 । 𑌨𑌮𑍋॒𑌽𑌶𑍍𑌵𑌿𑌭𑍍𑌯𑌾𑌂᳚ 𑌕𑍃𑌣𑍁𑌮𑍋𑌽𑌶𑍍𑌵॒𑌯𑍁𑌗𑍍𑌭𑍍𑌯𑌾᳚𑌮𑍍 ॥ 2𑍮 ॥

𑌅𑌪॑ 𑌪𑌾॒𑌪𑍍𑌮𑌾𑌨𑌂॒ 𑌭𑌰॑𑌣𑍀𑌰𑍍𑌭𑌰𑌂𑌤𑍁 । 𑌤𑌦𑍍𑌯॒𑌮𑍋 𑌰𑌾𑌜𑌾॒ 𑌭𑌗॑𑌵𑌾॒𑌨𑍍॒, 𑌵𑌿𑌚॑𑌷𑍍𑌟𑌾𑌮𑍍 । 𑌲𑍋॒𑌕𑌸𑍍𑌯॒ 𑌰𑌾𑌜𑌾॑ 𑌮𑌹॒𑌤𑍋 𑌮॒𑌹𑌾𑌨𑍍, 𑌹𑌿 । 𑌸𑍁॒𑌗𑌂 𑌨𑌃॒ 𑌪𑌂𑌥𑌾॒𑌮𑌭॑𑌯𑌂 𑌕𑍃𑌣𑍋𑌤𑍁 । 𑌯𑌸𑍍𑌮𑌿॒𑌨𑍍𑌨𑌕𑍍𑌷॑𑌤𑍍𑌰𑍇 𑌯॒𑌮 𑌏𑌤𑌿॒ 𑌰𑌾𑌜𑌾᳚ । 𑌯𑌸𑍍𑌮𑌿॑𑌨𑍍𑌨𑍇𑌨𑌮॒𑌭𑍍𑌯𑌷𑌿𑌂॑𑌚𑌂𑌤 𑌦𑍇॒𑌵𑌾𑌃 । 𑌤𑌦॑𑌸𑍍𑌯 𑌚𑌿॒𑌤𑍍𑌰𑌗𑍍-𑌮𑍍 𑌹॒𑌵𑌿𑌷𑌾॑ 𑌯𑌜𑌾𑌮 । 𑌅𑌪॑ 𑌪𑌾॒𑌪𑍍𑌮𑌾𑌨𑌂॒ 𑌭𑌰॑𑌣𑍀𑌰𑍍𑌭𑌰𑌂𑌤𑍁 ॥ 2𑍯 ॥

𑌨𑌿॒𑌵𑍇𑌶॑𑌨𑍀 𑌸𑌂॒𑌗𑌮॑𑌨𑍀॒ 𑌵𑌸𑍂॑𑌨𑌾𑌂॒ 𑌵𑌿𑌶𑍍𑌵𑌾॑ 𑌰𑍂॒𑌪𑌾𑌣𑌿॒ 𑌵𑌸𑍂᳚𑌨𑍍𑌯𑌾𑌵𑍇॒𑌶𑌯॑𑌂𑌤𑍀 । 𑌸॒𑌹॒𑌸𑍍𑌰॒𑌪𑍋॒𑌷𑌗𑍍-𑌮𑍍 𑌸𑍁॒𑌭𑌗𑌾॒ 𑌰𑌰𑌾॑𑌣𑌾॒ 𑌸𑌾 𑌨॒ 𑌆𑌗॒𑌨𑍍𑌵𑌰𑍍𑌚॑𑌸𑌾 𑌸𑌂𑌵𑌿𑌦𑌾॒𑌨𑌾 । 𑌯𑌤𑍍𑌤𑍇॑ 𑌦𑍇॒𑌵𑌾 𑌅𑌦॑𑌧𑍁𑌰𑍍𑌭𑌾𑌗॒𑌧𑍇𑌯॒𑌮𑌮𑌾॑𑌵𑌾𑌸𑍍𑌯𑍇 𑌸𑌂॒𑌵𑌸𑌂॑𑌤𑍋 𑌮𑌹𑌿॒𑌤𑍍𑌵𑌾 । 𑌸𑌾 𑌨𑍋॑ 𑌯॒𑌜𑍍𑌞𑌂 𑌪𑌿॑𑌪𑍃𑌹𑌿 𑌵𑌿𑌶𑍍𑌵𑌵𑌾𑌰𑍇 𑌰॒𑌯𑌿𑌨𑍍𑌨𑍋॑ 𑌧𑍇𑌹𑌿 𑌸𑍁𑌭𑌗𑍇 𑌸𑍁॒𑌵𑍀𑌰𑌮𑍍᳚ ॥ 30 ॥

𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ।