Bhavani Ashtakam - Grantha | Vaidika Vignanam

Collection of Spiritual and Devotional Literature in Various Indian Languages

View this in:

𑌭𑌵𑌾𑌨𑍀 𑌅𑌷𑍍𑌟𑌕𑌮𑍍

𑌨 𑌤𑌾𑌤𑍋 𑌨 𑌮𑌾𑌤𑌾 𑌨 𑌬𑌂𑌧𑍁𑌰𑍍𑌨 𑌦𑌾𑌤𑌾
𑌨 𑌪𑍁𑌤𑍍𑌰𑍋 𑌨 𑌪𑍁𑌤𑍍𑌰𑍀 𑌨 𑌭𑍃𑌤𑍍𑌯𑍋 𑌨 𑌭𑌰𑍍𑌤𑌾
𑌨 𑌜𑌾𑌯𑌾 𑌨 𑌵𑌿𑌦𑍍𑌯𑌾 𑌨 𑌵𑍃𑌤𑍍𑌤𑌿𑌰𑍍𑌮𑌮𑍈𑌵
𑌗𑌤𑌿𑌸𑍍𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌤𑍍𑌵𑌮𑍇𑌕𑌾 𑌭𑌵𑌾𑌨𑌿 ॥ 1 ॥

𑌭𑌵𑌾𑌬𑍍𑌧𑌾𑌵𑌪𑌾𑌰𑍇 𑌮𑌹𑌾𑌦𑍁𑌃𑌖𑌭𑍀𑌰𑍁
𑌪𑌪𑌾𑌤 𑌪𑍍𑌰𑌕𑌾𑌮𑍀 𑌪𑍍𑌰𑌲𑍋𑌭𑍀 𑌪𑍍𑌰𑌮𑌤𑍍𑌤𑌃
𑌕𑍁𑌸𑌂𑌸𑌾𑌰𑌪𑌾𑌶𑌪𑍍𑌰𑌬𑌦𑍍𑌧𑌃 𑌸𑌦𑌾𑌹𑌂
𑌗𑌤𑌿𑌸𑍍𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌤𑍍𑌵𑌮𑍇𑌕𑌾 𑌭𑌵𑌾𑌨𑌿 ॥ 2 ॥

𑌨 𑌜𑌾𑌨𑌾𑌮𑌿 𑌦𑌾𑌨𑌂 𑌨 𑌚 𑌧𑍍𑌯𑌾𑌨𑌯𑍋𑌗𑌂
𑌨 𑌜𑌾𑌨𑌾𑌮𑌿 𑌤𑌂𑌤𑍍𑌰𑌂 𑌨 𑌚 𑌸𑍍𑌤𑍋𑌤𑍍𑌰𑌮𑌂𑌤𑍍𑌰𑌮𑍍
𑌨 𑌜𑌾𑌨𑌾𑌮𑌿 𑌪𑍂𑌜𑌾𑌂 𑌨 𑌚 𑌨𑍍𑌯𑌾𑌸𑌯𑍋𑌗𑌂
𑌗𑌤𑌿𑌸𑍍𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌤𑍍𑌵𑌮𑍇𑌕𑌾 𑌭𑌵𑌾𑌨𑌿 ॥ 3 ॥

𑌨 𑌜𑌾𑌨𑌾𑌮𑌿 𑌪𑍁𑌣𑍍𑌯𑌂 𑌨 𑌜𑌾𑌨𑌾𑌮𑌿 𑌤𑍀𑌰𑍍𑌥𑌂
𑌨 𑌜𑌾𑌨𑌾𑌮𑌿 𑌮𑍁𑌕𑍍𑌤𑌿𑌂 𑌲𑌯𑌂 𑌵𑌾 𑌕𑌦𑌾𑌚𑌿𑌤𑍍
𑌨 𑌜𑌾𑌨𑌾𑌮𑌿 𑌭𑌕𑍍𑌤𑌿𑌂 𑌵𑍍𑌰𑌤𑌂 𑌵𑌾𑌪𑌿 𑌮𑌾𑌤𑌃
𑌗𑌤𑌿𑌸𑍍𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌤𑍍𑌵𑌮𑍇𑌕𑌾 𑌭𑌵𑌾𑌨𑌿 ॥ 4 ॥

𑌕𑍁𑌕𑌰𑍍𑌮𑍀 𑌕𑍁𑌸𑌂𑌗𑍀 𑌕𑍁𑌬𑍁𑌦𑍍𑌧𑌿𑌃 𑌕𑍁𑌦𑌾𑌸𑌃
𑌕𑍁𑌲𑌾𑌚𑌾𑌰𑌹𑍀𑌨𑌃 𑌕𑌦𑌾𑌚𑌾𑌰𑌲𑍀𑌨𑌃
𑌕𑍁𑌦𑍃𑌷𑍍𑌟𑌿𑌃 𑌕𑍁𑌵𑌾𑌕𑍍𑌯𑌪𑍍𑌰𑌬𑌂𑌧𑌃 𑌸𑌦𑌾𑌹𑌂
𑌗𑌤𑌿𑌸𑍍𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌤𑍍𑌵𑌮𑍇𑌕𑌾 𑌭𑌵𑌾𑌨𑌿 ॥ 5 ॥

𑌪𑍍𑌰𑌜𑍇𑌶𑌂 𑌰𑌮𑍇𑌶𑌂 𑌮𑌹𑍇𑌶𑌂 𑌸𑍁𑌰𑍇𑌶𑌂
𑌦𑌿𑌨𑍇𑌶𑌂 𑌨𑌿𑌶𑍀𑌥𑍇𑌶𑍍𑌵𑌰𑌂 𑌵𑌾 𑌕𑌦𑌾𑌚𑌿𑌤𑍍
𑌨 𑌜𑌾𑌨𑌾𑌮𑌿 𑌚𑌾𑌨𑍍𑌯𑌤𑍍 𑌸𑌦𑌾𑌹𑌂 𑌶𑌰𑌣𑍍𑌯𑍇
𑌗𑌤𑌿𑌸𑍍𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌤𑍍𑌵𑌮𑍇𑌕𑌾 𑌭𑌵𑌾𑌨𑌿 ॥ 6 ॥

𑌵𑌿𑌵𑌾𑌦𑍇 𑌵𑌿𑌷𑌾𑌦𑍇 𑌪𑍍𑌰𑌮𑌾𑌦𑍇 𑌪𑍍𑌰𑌵𑌾𑌸𑍇
𑌜𑌲𑍇 𑌚𑌾𑌨𑌲𑍇 𑌪𑌰𑍍𑌵𑌤𑍇 𑌶𑌤𑍍𑌰𑍁𑌮𑌧𑍍𑌯𑍇
𑌅𑌰𑌣𑍍𑌯𑍇 𑌶𑌰𑌣𑍍𑌯𑍇 𑌸𑌦𑌾 𑌮𑌾𑌂 𑌪𑍍𑌰𑌪𑌾𑌹𑌿
𑌗𑌤𑌿𑌸𑍍𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌤𑍍𑌵𑌮𑍇𑌕𑌾 𑌭𑌵𑌾𑌨𑌿 ॥ 𑍭 ॥

𑌅𑌨𑌾𑌥𑍋 𑌦𑌰𑌿𑌦𑍍𑌰𑍋 𑌜𑌰𑌾𑌰𑍋𑌗𑌯𑍁𑌕𑍍𑌤𑍋
𑌮𑌹𑌾𑌕𑍍𑌷𑍀𑌣𑌦𑍀𑌨𑌃 𑌸𑌦𑌾 𑌜𑌾𑌡𑍍𑌯𑌵𑌕𑍍𑌤𑍍𑌰𑌃
𑌵𑌿𑌪𑌤𑍍𑌤𑍌 𑌪𑍍𑌰𑌵𑌿𑌷𑍍𑌟𑌃 𑌪𑍍𑌰𑌨𑌷𑍍𑌟𑌃 𑌸𑌦𑌾𑌹𑌂
𑌗𑌤𑌿𑌸𑍍𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌤𑍍𑌵𑌮𑍇𑌕𑌾 𑌭𑌵𑌾𑌨𑌿 ॥ 𑍮 ॥

॥ 𑌇𑌤𑌿 𑌶𑍍𑌰𑍀𑌮𑌦𑌾𑌦𑌿𑌶𑌂𑌕𑌰𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂 𑌭𑌵𑌾𑌨𑍍𑌯𑌷𑍍𑌟𑌕𑌂 𑌸𑌂𑌪𑍂𑌰𑍍𑌣𑌮𑍍 ॥

Browse Related Categories: