dēvarāja sēvyamāna pāvanāṅghri paṅkajaṃ
vyāḻayajña sūtramindu śēkharaṃ kṛpākaram ।
nāradādi yōgibṛnda vanditaṃ digambaraṃ
kāśikāpurādhinātha kālabhairavaṃ bhajē ॥ 1 ॥
bhānukōṭi bhāsvaraṃ bhavabdhitārakaṃ paraṃ
nīlakaṇṭha mīpsitārdha dāyakaṃ trilōchanaṃ ।
kālakāla mambujākṣa mastaśūnya makṣaraṃ
kāśikāpurādhinātha kālabhairavaṃ bhajē ॥ 2 ॥
śūlaṭaṅka pāśadaṇḍa pāṇimādi kāraṇaṃ
śyāmakāya mādidēva makṣaraṃ nirāmayam ।
bhīmavikramaṃ prabhuṃ vichitra tāṇḍava priyaṃ
kāśikāpurādhinātha kālabhairavaṃ bhajē ॥ 3 ॥
bhukti mukti dāyakaṃ praśastachāru vigrahaṃ
bhaktavatsalaṃ sthitaṃ samastalōka vigraham ।
nikvaṇan-manōjña hēma kiṅkiṇī lasatkaṭiṃ
kāśikāpurādhinātha kālabhairavaṃ bhajē ॥ 4 ॥
dharmasētu pālakaṃ tvadharmamārga nāśakaṃ
karmapāśa mōchakaṃ suśarma dāyakaṃ vibhum ।
svarṇavarṇa kēśapāśa śobhitāṅga nirmalaṃ
kāśikāpurādhinātha kālabhairavaṃ bhajē ॥ 5 ॥
ratna pādukā prabhābhirāma pādayugmakaṃ
nitya madvitīya miṣṭa daivataṃ nirañjanam ।
mṛtyudarpa nāśanaṃ karāḻadaṃṣṭra bhūṣaṇaṃ
kāśikāpurādhinātha kālabhairavaṃ bhajē ॥ 6 ॥
aṭṭahāsa bhinna padmajāṇḍakōśa santatiṃ
dṛṣṭipāta naṣṭapāpa jālamugra śāsanam ।
aṣṭasiddhi dāyakaṃ kapālamālikā dharaṃ
kāśikāpurādhinātha kālabhairavaṃ bhajē ॥ 7 ॥
bhūtasaṅgha nāyakaṃ viśālakīrti dāyakaṃ
kāśivāsi lōka puṇyapāpa śōdhakaṃ vibhum ।
nītimārga kōvidaṃ purātanaṃ jagatpatiṃ
kāśikāpurādhinātha kālabhairavaṃ bhajē ॥ 8 ॥
kālabhairavāṣṭakaṃ paṭhanti yē manōharaṃ
jñānamukti sādhakaṃ vichitra puṇya vardhanam ।
śōkamōha lōbhadainya kōpatāpa nāśanaṃ
tē prayānti kālabhairavāṅghri sannidhiṃ dhruvam ॥
iti śrīmachchaṅkarāchārya virachitaṃ kālabhairavāṣṭakaṃ sampūrṇam ।
Browse Related Categories:
