PDF, Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |
This document is in romanized sanskrit according to IAST standard. View this in plain english.

Chandra Kavacham

asya śrī chandra kavachasya । gautama ṛṣiḥ । anuṣṭup Chandaḥ । śrī chandrō dēvatā । chandra prītyarthē japē viniyōgaḥ ॥

dhyānaṃ

samaṃ chaturbhujaṃ vandē kēyūra makuṭōjvalam ।
vāsudēvasya nayanaṃ śaṅkarasya cha bhūṣaṇam ॥

ēvaṃ dhyātvā japēnnityaṃ śaśinaḥ kavachaṃ śubham ॥

atha chandra kavacham

śaśī pātu śirōdēśaṃ bhālaṃ pātu kalānidhiḥ ।
chakṣuṣī chandramāḥ pātu śrutī pātu niśāpatiḥ ॥ 1 ॥

prāṇaṃ kṣapakaraḥ pātu mukhaṃ kumudabāndhavaḥ ।
pātu kaṇṭhaṃ cha mē sōmaḥ skandhē jaivātṛkastathā ॥ 2 ॥

karau sudhākaraḥ pātu vakṣaḥ pātu niśākaraḥ ।
hṛdayaṃ pātu mē chandrō nābhiṃ śaṅkarabhūṣaṇaḥ ॥ 3 ॥

madhyaṃ pātu suraśrēṣṭhaḥ kaṭiṃ pātu sudhākaraḥ ।
ūrū tārāpatiḥ pātu mṛgāṅkō jānunī sadā ॥ 4 ॥

abdhijaḥ pātu mē jaṅghē pātu pādau vidhuḥ sadā ।
sarvāṇyanyāni chāṅgāni pātu chandrōkhilaṃ vapuḥ ॥ 5 ॥

phalaśrutiḥ
ētaddhi kavachaṃ divyaṃ bhukti mukti pradāyakam ।
yaḥ paṭhēchChṛṇuyādvāpi sarvatra vijayī bhavēt ॥ 6 ॥

॥ iti śrīchandra kavachaṃ sampūrṇam ॥







Browse Related Categories: