হরিঃ ওম্ । স॒হ না॑ ববতু । স॒হ নৌ॑ ভুনক্তু । স॒হ বী॒র্যং॑ করবাবহৈ । তে॒জ॒স্বি না॒বধী॑তমস্তু॒ মা বি॑দ্বিষা॒বহৈ᳚ । ওং শাংতিঃ॒ শাংতিঃ॒ শাংতিঃ॑ ।

ভ্রুগু॒র্বৈ বা॑রু॒ণিঃ । বরু॑ণং॒ পিত॑র॒মুপ॑সসার । অধী॑হি ভগবো॒ ব্রহ্মেতি॑ । তস্মা॑ এত॒ত্প্রো॑বাচ । অন্নং॑ প্রা॒ণং চক্ষু॒শ্রোত্রং॒ মনো॒ বাচ॒মিতি॑ । তগ্-ম্ হো॑বাচ । যতো॒ বা ই॒মানি॒ ভুতা॑নি॒ জাযং॑তে । যেন॒ জাতা॑নি॒ জীবং॑তি । যত্প্রযং॑ত্যভিসংবি॑শংতি । তদ্বিজি॑জ্ঞাসস্ব । তদ্ব্রহ্মেতি॑ । স তপো॑ঽতপ্যত । স তপ॑স্ত॒প্ত্বা । ॥ 1 ॥

অন্নং॒ ব্রহ্মেতি॒ ব্য॑জানাত্ । অ॒ন্নাধ্যে॑ব খল্বি॒মানি॒ ভূতা॑নি॒ জাযং॑তে । অন্নে॑ন॒ জাতা॑নি॒ জীবং॑তি । অন্নং॒ প্রযং॑ত্য॒ভিসংবি॑শং॒তীতি॑ । তদ্বি॒জ্ঞায॑ । পুন॑রে॒ব বরু॑ণং॒ পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্-ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑ঽতপ্যত । স তপ॑স্ত॒প্ত্বা । ॥ 2 ॥

প্রা॒ণো ব্র॒হ্মেতি॒ ব্য॑জানাত্ । প্রা॒ণাধ্যে॑ব খল্বি॒মানি॒ ভূতা॑নি॒ জাযং॑তে । প্রা॒ণেন॒ জাতা॑নি॒ জীবং॑তি । প্রা॒ণং প্রযং॑ত্য॒ভি সংবি॑শং॒তীতি॑ । পুন॑রে॒ব বরু॑ণং॒ পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্-ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑ঽতপ্যত । স তপ॑স্ত॒প্ত্বা । ॥ 3 ॥

মনো॒ ব্রহ্মেতি॒ ব্য॑জানাত্। মন॑সো॒ হ্যে॑ব খল্বি॒মানি॒ ভূতা॑নি॒ জাযং॑তে । মন॑সা॒ জাতা॑নি॒ জীবং॑তি । মনঃ॒ প্রযং॑ত্য॒ভি সংবি॑শং॒তীতি॑ । তদ্বি॒জ্ঞায॑ । পুন॑রে॒ব বরু॑ণং॒ পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্-ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑ঽতপ্যত । স তপ॑স্ত॒প্ত্বা । ॥ 4 ॥

বি॒জ্ঞানং॒ ব্রহ্মেতি॒ ব্য॑জানাত্ । বি॒জ্ঞানা॒ধ্যে॑ব খল্বি॒মানি॒ ভূতা॑নি॒ জাযং॑তে । বি॒জ্ঞানে॑ন॒ জাতা॑নি॒ জীবং॑তি । বি॒জ্ঞানং॒ প্রযং॑ত্য॒ভিসংবি॑শং॒তীতি॑ । তদ্বি॒জ্ঞায॑ । পুন॑রে॒ব বরু॑ণং॒ পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্-ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑ঽতপ্যত । স তপ॑স্ত॒প্ত্বা । ॥ 5 ॥

আ॒নং॒দো ব্র॒হ্মেতি॒ ব্য॑জানাত্ । আ॒নংদা॒ধ্যে॑ব খল্বি॒মানি॒ ভূতা॑নি॒ জাযং॑তে । আ॒নং॒দেন॒ জাতা॑নি॒ জীবং॑তি । আ॒নং॒দং প্রযং॑ত্য॒ভিসংবি॑শং॒তীতি॑ । সৈষা ভা᳚র্গ॒বী বা॑রু॒ণী বি॒দ্যা । প॒র॒মে ব্যো॑ম॒ন্ প্রতি॑ষ্ঠিতা । স য এ॒বং বেদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জযা॑ প॒শুভি॑র্ব্রহ্মবর্চ॒সেন॑ । ম॒হান্ কী॒র্ত্যা । ॥ 6 ॥

অন্নং॒ ন নিং॑দ্যাত্ । তদ্-ব্র॒তম্ । প্রা॒ণো বা অন্নম্᳚ । শরী॑রমন্না॒দম্ । প্রা॒ণে শরী॑রং॒ প্রতি॑ষ্ঠিতম্ । শরী॑রে প্রা॒ণঃ প্রতি॑ষ্ঠিতঃ । তদে॒তদন্ন॒মন্নে॒ প্রতি॑ষ্টিতম্ । স য এ॒তদন্ন॒মন্নে॒ প্রতি॑ষ্ঠিতং॒ বেদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জযা॑ প॒শুভি॑র্ব্রহ্মবর্চ॒সেন॑ । ম॒হান্ কী॒র্ত্যা । ॥ 7 ॥

অন্নং॒ ন পরি॑চক্ষীত । তদ্-ব্র॒তম্ । আপো॒ বা অন্নম্᳚ । জ্যোতি॑রন্না॒দম্ । অ॒প্সু জ্যোতিঃ॒ প্রতি॑ষ্ঠিতম্ । জ্যোতি॒ষ্যাপঃ॒ প্রতি॑ষ্ঠিতাঃ। তদে॒তদন্ন॒মন্নে॒ প্রতি॑ষ্ঠিতম্ । স য এ॒তদন্ন॒মন্নে॒ প্রতি॑ষ্ঠিতং॒ বেদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জযা॑ প॒শুভি॑র্ব্রহ্মবর্চ॒সেন॑ । ম॒হান্ কী॒র্ত্যা । ॥ 8 ॥

অন্নং॑ ব॒হু কু॑র্বীত । তদ্-ব্র॒তম্ । পৃ॒থি॒বী বা অন্নম্᳚ । আ॒কা॒শো᳚ঽন্না॒দঃ । পৃ॒থি॒ব্যামা॑কা॒শঃ প্রতি॑ষ্ঠিতঃ । আ॒কা॒শে পৃ॑থি॒বী প্রতি॑ষ্ঠিতা । তদে॒তদন্ন॒মন্নে॒ প্রতি॑ষ্ঠিতম্ । স য এ॒তদন্ন॒মন্নে॒ প্রতি॑ষ্ঠিতং॒ বেদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জযা॑ প॒শুভি॑র্ব্রহ্মবর্চ॒সেন॑ । ম॒হান্ কী॒র্ত্যা । ॥ 9 ॥

ন কংচন বসতৌ প্রত্যা॑চক্ষী॒ত । তদ্-ব্র॒তম্ । তস্মাদ্যযা কযা চ বিধযা বহ্ব॑ন্নং প্রা॒প্নুযাত্ । অরাধ্যস্মা অন্নমি॑ত্যাচ॒ক্ষতে । এতদ্বৈ মুখতো᳚ঽন্নগ্-ম্ রা॒দ্ধম্ । মুখতোঽস্মা অ॑ন্নগ্-ম্ রা॒ধ্যতে । এতদ্বৈ মধ্যতো᳚ঽন্নগ্-ম্ রা॒দ্ধম্ । মধ্যতোঽস্মা অ॑ন্নগ্-ম্ রা॒ধ্যতে । এতদ্বা অংততো᳚ঽন্নগ্-ম্ রা॒দ্ধম্ । অংততোঽস্মা অ॑ন্নগ্-ম্ রা॒ধ্যতে । য এ॑বং বে॒দ । ক্ষেম ই॑তি বা॒চি । যোগক্ষেম ইতি প্রা॑ণাপা॒ণযোঃ । কর্মে॑তি হ॒স্তযোঃ । গতিরি॑তি পা॒দযোঃ । বিমুক্তিরি॑তি পা॒যৌ । ইতি মানুষী᳚স্সমা॒জ্ঞাঃ । অথ দৈ॒বীঃ । তৃপ্তিরি॑তি বৃ॒ষ্টৌ । বলমি॑তি বি॒দ্যুতি । যশ ই॑তি প॒শুষু । জ্যোতিরিতি ন॑ক্ষত্রে॒ষু । প্রজাতিরমৃতমানংদ ই॑ত্যুপ॒স্থে । সর্বমি॑ত্যাকা॒শে । তত্প্রতিষ্ঠেত্যু॑পাসী॒ত। প্রতিষ্ঠা॑বান্ভ॒বতি । তন্মহ ইত্যু॑পাসী॒ত । ম॑হান্ভ॒বতি । তন্মন ইত্যু॑পাসী॒ত । মান॑বান্ভ॒বতি । তন্নম ইত্যু॑পাসী॒ত । নম্যংতে᳚ঽস্মৈ কা॒মাঃ । তদ্ব্রহ্মেত্যু॑পাসী॒ত । ব্রহ্ম॑বান্ভ॒বতি । তদ্ব্রহ্মণঃ পরিমর ইত্যু॑পাসী॒ত । পর্যেণং ম্রিযংতে দ্বি ষংত॑স্সপ॒ত্নাঃ । পরি যে᳚ঽপ্রিযা᳚ ভ্রাতৃ॒ব্যাঃ । স যশ্চা॑যং পু॒রুষে । যশ্চাসা॑বাদি॒ত্যে । স একঃ॑ । স য॑ এবং॒ বিত্ । অস্মাল্লো॑কাত্প্রে॒ত্য । এতমন্নমযমাত্মানমুপ॑ সংক্র॒ম্য ॥ এতং প্রাণমযমাত্মানমুপ॑ সংক্র॒ম্য । এতং মনোমযমাত্মানমুপ॑ সংক্র॒ম্য । এতং বিজ্ঞানমযমাত্মানমুপ॑ সংক্র॒ম্য । এতমানংদমযমাত্মানমুপ॑ সংক্র॒ম্য । ইমান্ লোকান্ কামান্নী কামরূপ্য॑নু সং॒চরন্ন্ । এতথ্সাম গা॑যন্না॒স্তে । হা(3) বু॒ হা(3) বু॒ হা(3) বু॑ । অ॒হমন্নম॒হমন্নম॒হমন্নম্ । অ॒হমন্না॒দো(2)ঽ॒হমন্না॒দো(2)ঽ॒হমন্না॒দঃ । অ॒হগ্গ্ শ্লোক॒কৃদ॒হগ্গ্ শ্লোক॒কৃদ॒হগ্গ্ শ্লোক॒কৃত্ । অ॒হমস্মি প্রথমজা ঋতা(3) স্য॒ । পূর্বং দেবেভ্যো অমৃতস্য না(3) ভা॒যি॒ । যো মা দদাতি স ইদেব মা(3) বাঃ॒ । অ॒হমন্ন॒মন্ন॑ম॒দংত॒মা(3) দ্মি॒ । অহং॒ বিশ্বং॒ ভুব॑ন॒মভ্য॑ভ॒বাম্ । সুব॒র্ন জ্যোতীঃ᳚ । য এ॒বং বেদ॑ । ইত্যু॑প॒নিষ॑ত্ । ॥ 10 ॥

স॒হ না॑ ববতু । স॒হ নৌ॑ ভুনক্তু । স॒হ বী॒র্যং॑ করবাবহৈ । তে॒জ॒স্বি না॒বধী॑তমস্তু॒ মা বি॑দ্বিষা॒বহৈ᳚ ॥ ওং শাংতিঃ॒ শাংতিঃ॒ শাংতিঃ॑ ॥

॥ হরিঃ॑ ওম্ ॥
॥ শ্রী কৃষ্ণার্পণমস্তু ॥