ওং অথাত্মানগ্-ম্ শিবাত্মানগ্ শ্রী রুদ্ররূপং ধ্যাযেত্ ॥

শুদ্ধস্ফটিক সংকাশং ত্রিনেত্রং পংচ বক্ত্রকম্ ।
গংগাধরং দশভুজং সর্বাভরণ ভূষিতম্ ॥

নীলগ্রীবং শশাংকাংকং নাগ যজ্ঞোপ বীতিনম্ ।
ব্যাঘ্র চর্মোত্তরীযং চ বরেণ্যমভয প্রদম্ ॥

কমংডল্-বক্ষ সূত্রাণাং ধারিণং শূলপাণিনম্ ।
জ্বলংতং পিংগলজটা শিখা মুদ্দ্যোত ধারিণম্ ॥

বৃষ স্কংধ সমারূঢং উমা দেহার্থ ধারিণম্ ।
অমৃতেনাপ্লুতং শাংতং দিব্যভোগ সমন্বিতম্ ॥

দিগ্দেবতা সমাযুক্তং সুরাসুর নমস্কৃতম্ ।
নিত্যং চ শাশ্বতং শুদ্ধং ধ্রুব-মক্ষর-মব্যযম্ ।
সর্ব ব্যাপিন-মীশানং রুদ্রং বৈ বিশ্বরূপিণম্ ।
এবং ধ্যাত্বা দ্বিজঃ সম্যক্ ততো যজনমারভেত্ ॥

অথাতো রুদ্র স্নানার্চনাভিষেক বিধিং ব্যা᳚ক্ষ্যাস্যামঃ । আদিত এব তীর্থে স্নাত্বা উদেত্য শুচিঃ প্রযতো ব্রহ্মচারী শুক্লবাসা দেবাভিমুখঃ স্থিত্বা আত্মনি দেবতাঃ স্থাপযেত্ ॥

প্রজননে ব্রহ্মা তিষ্ঠতু । পাদযোর্-বিষ্ণুস্তিষ্ঠতু । হস্তযোর্-হরস্তিষ্ঠতু । বাহ্বোরিংদ্রস্তিষ্টতু । জঠরেঽঅগ্নিস্তিষ্ঠতু । হৃদ॑যে শিবস্তিষ্ঠতু । কংঠে বসবস্তিষ্ঠংতু । বক্ত্রে সরস্বতী তিষ্ঠতু । নাসিকযোর্-বাযুস্তিষ্ঠতু । নযনযোS-চংদ্রাদিত্যৌ তিষ্টেতাম্ । কর্ণযোরশ্বিনৌ তিষ্টেতাম্ । ললাটে রুদ্রাস্তিষ্ঠংতু । মূর্থ্ন্যাদিত্যাস্তিষ্ঠংতু । শিরসি মহাদেবস্তিষ্ঠতু । শিখাযাং বামদেবাস্তিষ্ঠতু । পৃষ্ঠে পিনাকী তিষ্ঠতু । পুরতঃ শূলী তিষ্ঠতু । পার্শ্যযোঃ শিবাশংকরৌ তিষ্ঠেতাম্ । সর্বতো বাযুস্তিষ্ঠতু । ততো বহিঃ সর্বতোঽগ্নির্-জ্বালামালা-পরিবৃতস্তিষ্ঠতু । সর্বেষ্বংগেষু সর্বা দেবতা যথাস্থানং তিষ্ঠংতু । মাগ্-ম্ রক্ষংতু ।

অ॒গ্নির্মে॑ বা॒চি শ্রি॒তঃ । বাগ্ধৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি ।
বা॒যুর্মে᳚ প্রা॒ণে শ্রি॒তঃ । প্রা॒ণো হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । সূর্যো॑ মে॒ চক্ষুষি শ্রি॒তঃ । চক্ষু॒র্-হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । চ॒ংদ্রমা॑ মে॒ মন॑সি শ্রি॒তঃ । মনো॒ হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । দিশো॑ মে॒ শ্রোত্রে᳚ শ্রি॒তাঃ । শ্রোত্র॒গ্-ম্॒ হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । আপোমে॒ রেতসি শ্রি॒তাঃ । রেতো হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । পৃ॒থি॒বী মে॒ শরী॑রে শ্রি॒তাঃ । শরী॑র॒গ্-ম্॒ হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । ও॒ষ॒ধি॒ ব॒ন॒স্পতযো॑ মে॒ লোম॑সু শ্রি॒তাঃ । লোমা॑নি॒ হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । ইংদ্রো॑ মে॒ বলে᳚ শ্রি॒তঃ । বল॒গ্-ম্॒ হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । প॒র্জন্যো॑ মে॒ মূ॒র্দ্নি শ্রি॒তঃ । মূ॒র্ধা হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । ঈশা॑নো মে॒ ম॒ন্যৌ শ্রি॒তঃ । ম॒ন্যুর্-হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । আ॒ত্মা ম॑ আ॒ত্মনি॑ শ্রি॒তঃ । আ॒ত্মা হৃদ॑যে । হৃদ॑যং॒ মযি॑ । অ॒হম॒মৃতে᳚ । অ॒মৃতং॒ ব্রহ্ম॑ণি । পুন॑র্ম আ॒ত্মা পুন॒রাযু॒ রাগা᳚ত্ । পুনঃ॑ প্রা॒ণঃ পুন॒রাকূ॑ত॒মাগা᳚ত্ । বৈ॒শ্বা॒ন॒রো র॒শ্মিভি॑র্-বাবৃধা॒নঃ । অ॒ংতস্তি॑ষ্ঠ॒ত্বমৃত॑স্য গো॒পাঃ ॥

অস্য শ্রী রুদ্রাধ্যায প্রশ্ন মহামংত্রস্য, অঘোর ঋষিঃ, অনুষ্টুপ্ ছংদঃ, সংকর্ষণ মূর্তি স্বরূপো যোঽসাবাদিত্যঃ পরমপুরুষঃ স এষ রুদ্রো দেবতা । নমঃ শিবাযেতি বীজম্ । শিবতরাযেতি শক্তিঃ । মহাদেবাযেতি কীলকম্ । শ্রী সাংব সদাশিব প্রসাদ সিদ্ধ্যর্থে জপে বিনিযোগঃ ॥

ওং অগ্নিহোত্রাত্মনে অংগুষ্ঠাভ্যাং নমঃ । দর্শপূর্ণ মাসাত্মনে তর্জনীভ্যাং নমঃ । চাতুর্-মাস্যাত্মনে মধ্যমাভ্যাং নমঃ । নিরূঢ পশুবংধাত্মনে অনামিকাভ্যাং নমঃ । জ্যোতিষ্টোমাত্মনে কনিষ্ঠিকাভ্যাং নমঃ । সর্বক্রত্বাত্মনে করতল করপৃষ্ঠাভ্যাং নমঃ ॥

অগ্নিহোত্রাত্মনে হৃদযায নমঃ । দর্শপূর্ণ মাসাত্মনে শিরসে স্বাহা । চাতুর্মাস্যাত্মনে শিখাযৈ বষট্ । নিরূঢ পশুবংধাত্মনে কবচায হুম্ । জ্যোতিষ্টোমাত্মনে নেত্রত্রযায বৌষট্ । সর্বক্রত্বাত্মনে অস্ত্রাযফট্ । ভূর্ভুবস্সুবরোমিতি দিগ্বংধঃ ॥

ধ্যানং

আপাতাল-নভঃস্থলাংত-ভুবন-ব্রহ্মাংড-মাবিস্ফুরত্-
জ্যোতিঃ স্ফাটিক-লিংগ-মৌলি-বিলসত্-পূর্ণেংদু-বাংতামৃতৈঃ ।
অস্তোকাপ্লুত-মেক-মীশ-মনিশং রুদ্রানু-বাকাংজপন্
ধ্যাযে-দীপ্সিত-সিদ্ধযে ধ্রুবপদং বিপ্রোঽভিষিংচে-চ্চিবম্ ॥

ব্রহ্মাংড ব্যাপ্তদেহা ভসিত হিমরুচা ভাসমানা ভুজংগৈঃ
কংঠে কালাঃ কপর্দাঃ কলিত-শশিকলা-শ্চংড কোদংড হস্তাঃ ।
ত্র্যক্ষা রুদ্রাক্ষমালাঃ প্রকটিতবিভবাঃ শাংভবা মূর্তিভেদাঃ
রুদ্রাঃ শ্রীরুদ্রসূক্ত-প্রকটিতবিভবা নঃ প্রযচ্চংতু সৌখ্যম্ ॥

ওং গ॒ণানাং᳚ ত্বা গ॒ণপ॑তিগ্-ম্ হবামহে ক॒বিং ক॑বী॒নামু॑প॒মশ্র॑বস্তমম্ । জ্যে॒ষ্ঠ॒রাজং॒ ব্রহ্ম॑ণাং ব্রহ্মণস্পদ॒ আ নঃ॑ শৃ॒ণ্বন্নূ॒তিভি॑স্সীদ॒ সাদ॑নম্ ॥ মহাগণপতযে॒ নমঃ ॥

শং চ॑ মে॒ ময॑শ্চ মে প্রি॒যং চ॑ মেঽনুকা॒মশ্চ॑ মে॒ কাম॑শ্চ মে সৌমনস॒শ্চ॑ মে ভ॒দ্রং চ॑ মে॒ শ্রেয॑শ্চ মে॒ বস্য॑শ্চ মে॒ যশ॑শ্চ মে॒ ভগ॑শ্চ মে॒ দ্রবি॑ণং চ মে যং॒তা চ॑ মে ধ॒র্তা চ॑ মে॒ ক্ষেম॑শ্চ মে॒ ধৃতি॑শ্চ মে॒ বিশ্বং॑ চ মে॒ মহ॑শ্চ মে সং॒বিচ্চ॑ মে॒ জ্ঞাত্রং॑ চ মে॒ সূশ্চ॑ মে প্র॒সূশ্চ॑ মে॒ সীরং॑ চ মে ল॒যশ্চ॑ ম ঋ॒তং চ॑ মে॒ঽমৃতং॑ চ মেঽয॒ক্ষ্মং চ॒ মেঽনা॑মযচ্চ মে জী॒বাতু॑শ্চ মে দীর্ঘাযু॒ত্বং চ॑ মেঽনমি॒ত্রং চ॒ মেঽভ॑যং চ মে সু॒গং চ॑ মে॒ শয॑নং চ মে সূ॒ষা চ॑ মে॒ সু॒দিনং॑ চ মে ॥

ওং শাংতিঃ॒ শাংতিঃ॒ শাংতিঃ॑ ॥