Krsna Kirtana Songs est. 2001 www.kksongs.org
Home ⇒ Song Lyrics ⇒ D
Song Name: Disi Disi Racayantim
Official Name: Volume 2; Sri Radhikastakam
Author: Rupa Goswami
Book Name: Stavamala
Language: Sanskrit
LYRICS:
(१)
दिशि दिशि रचयन्ती सञ्चरन्नेत्रलक्ष्मी
विलसितखुरलीभिः खञ्जरीटस्य खेलाम
हृदयमधुपमल्लीं वल्लवाधीशसूनोर
अखिलगुणगभीरां राधिकामर्चयामि
(२)
पितुरिह वृषभानोरन्ववायप्रशस्तिं
जगति किल समस्ते सुष्ठु विस्तारयन्तीम
व्रजपतिकुमारं खेलयन्तीं सखीभिः
सुरभिणि निजकुण्डे राधिकामर्चयामि
(३)
शरदुपचितराकाकौमुदीनाथकीर्तिप्रकर
दमनदीक्षादक्षिणस्मेरवक्त्राम
नटदघभिदपाङ्गोत्तुङ्गितानङ्गरङ्गां
कलितरुचितरङ्गां राधिकामर्चयामि
(४)
विविधकुसुमवृन्दोत्फुल्लधम्मिल्लघाटी
विघटितमदघूर्णत्केकिपिच्छप्रशस्तिम
मधुरिपुमुखबिम्बोद्गीर्णताम्बूलरागस्फुरद
अमलकपोलां राधिकामर्चयामि
(५)
अमलिनललितान्तःस्नेहसिक्तान्तराङ्गाम
अखिलविधविशाखासख्यविख्यातशीलाम
स्फुरदघभिदनर्घप्रेममाणिक्यपेटीं
धृतमधुरविनोदां राधिकामर्चयामि
(६)
अतुलमहसि वृन्दारण्यराज्ये?भिषिक्तां
निखिलसमयभर्तुः कार्तिकस्याधिदेवीम
अपरिमितमुकुन्दप्रेयसीवृन्दमुख्यां
जगदघहरकीर्तिं राधिकामर्चयामि
(७)
हरिपदनखकोटीपृष्ठपर्यन्तसीमा
तटमपि कलयन्तीं प्राणकोटेरभीष्टाम
प्रमुदितमदिराक्षीवृन्दवैदग्ध्यदीक्षा
गुरुमतिगुरुकीर्तिं राधिकामर्चयामि
(८)
अमलकनकपट्टोद्घृष्टकाश्मीरगौरीं
मधुरिमलहरीभिः सम्परीतां किशोरीम
हरिभुजपरिरब्धां लब्धरोमाञ्चपालिं
स्फुरदरुणदुकूलां राधिकामर्चयामि
(९)
तदमलमधुरिम्णां काममाधाररूपं
परिपठति वरिष्ठं सुष्ठु राधाष्टकं यः
अहिमकिरणपुत्रीकूलकल्याणचन्द्रः
स्फुटमखिलमभीष्टं तस्य तुष्टस्तनोति
UPDATED: August 29, 2017