Krsna Kirtana Songs est. 2001 www.kksongs.org
Home ⇒ Song Lyrics ⇒ P
Song Name: Prapanna Janani Vrti Jvalati
Official Name: Parama Guru Prabhu Varastakam
Author: Visvanatha Cakravarti Thakura
Book Name: Stavamrta Lahari
Language: Sanskrit
LYRICS:
(1)
prapanna-jananī-vṛti jvalati saḿsṛtir-jvālayā
yadīya-nayanoditātula-kṛpātivṛṣṭir drutam
vidhūya davathuḿ karoty amala-bhakti-vāpy-aucitīḿ
sa kṛṣṇa-caraṇaḥ prabhuḥ pradiśatu sva-pādāmṛtam
(2)
yad-āsya-kamaloditā vraja-bhuvo mahimnāḿ tatiḥ
śrutā bata visarjayet pati-kalatra-putrālayān
kalinda-tanayā-taṭī vana-kuṭīra-vāsaḿ nayet
sa kṛṣṇa-caraṇaḥ prabhuḥ pradiśatu sva-pādāmṛtam
(3)
vrajāmbuja-dṛśāḿ kathaḿ bhavati bhāva-bhūmā katham
bhaved anugatiḥ kathaḿ kim iha sādhanaḿ ko’dhikṛt
iti sphuṭam avaiti ko yad-upadeśa-bhāgyaḿ vinā
sa kṛṣṇa-caraṇaḥ prabhuḥ pradiśatu sva-pādāmṛtam
(4)
tapasvi-yati-karmiṇāḿ sadasi tārkikānāḿ tathā
pratisva-mata-vaiduṣī-prakaṭanoḍha-garva-śriyām
virājati ravir yathā tamasi yaḥ sva-bhakty-ojasā
sa kṛṣṇa-caraṇaḥ prabhuḥ pradiśatu sva-pādāmṛtam
(5)
kim adya paridhāsyate kim atha bhojyate rādhayā
samaḿ madana-mohano madana-koṭi-nimajjitaḥ
itīṣṭa-varivasyayā nayati yo’ṣṭa-yāmān sadā
sa kṛṣṇa-caraṇaḥ prabhuḥ pradiśatu sva-pādāmṛtam
(6)
mṛdańga-karatālikā-madhura-kīrtane nartayan
janān sukṛtino naṭan svayam api pramodāmbudhau
nimajjati dṛg-ambubhiḥpulaka-sańkulaḥsnāti yaḥ
sa kṛṣṇa-caraṇaḥ prabhuḥ pradiśatu sva-pādāmṛtam
(7)
samaḿ bhagavato janaiḥ pravara-bhakti-śāstroditaḿ
rasaḿ surasayan muhuḥ parijanāḿś ca yaḥ svādayan
sva-śiṣya-śata-veṣṭito jayati cakravarty-ākhyayā
sa kṛṣṇa-caraṇaḥ prabhuḥ pradiśatu sva-pādāmṛtam
(8)
sthitiḥ sura-sarit-taṭe madana-mohano jīvanaḿ
spṛhā rasika-sańgame caturimā janoddhāraṇe
ghṛṇā viṣayiṣu kṣamā jhaṭiti yasya cānuvraje
sa kṛṣṇa-caraṇaḥ prabhuḥ pradiśatu sva-pādāmṛtam
(9)
idaḿ prabhu-varāṣṭakaḿ paṭhati yas tadīyo janas
tad-ańghri-kamaleṣṭa-dhīḥ sa khalu rańgavat prema-bhāk
vilāsa-bhṛta-mañjuly-āly-atikṛpaika-pātrī-bhavan
nikuñja-nilayādhipāv aciram eva tau sevate
TRANSLATION:
No Translation available for this song!
REMARKS/EXTRA INFORMATION:
No Remarks/Extra Information for this song!
UPDATED: January 16, 2017